[M6r6E3]

السلام عليكم ورحمة الله وبركاته

اول شي لاهنتم تقييم كلبي وهل هو بيور النوع جيرمن شيبرد
صور الكلب :



عمر الكلب: 9-10 شهور

نبدأ الاسألة وآسف على الإطالة :

1- الكلب اول ما جا كنت مخليه داخل البيت المهم الحين لا فلته بالحوش القاه ناشب عند الباب واول ما احد يفتح الباب يجري يبي يدخل فيه حل لهالمشكلة ؟




2- الكلب ما عنده مشكلة انه يكون مربوط لكن اذا جا يبي يوسخ يقعد ينبح ويزعج الحي كله اول كنت عامل له محل قريب من محل نومه لكن كان يروح بعيد اخر الحوش ويوسخ في الارض وسمعت ان اذا كان المكان قريب من محل نومه ما يوسخ فيه صحيح هالكلام ؟




3- المشكلة الاكبر بالنسبة لي الكلب اليف جدا اذا شاف قط ينبح ويبي يهجم عليها حتى الكلاب الصغيرة " الجرو " لكن ان شاف كلب كبير يقعد وراي ولا يهج واذا سحبته عليه يلصق بالارض وش الحل ؟




4- الكلب اليف مع الناس وهذا عيب بالنسبة لي حيث انه اي احد يجي يروح ينط عليه ويلعب معه فيه حل لهالمشكلة ؟





5- الكلب عندي ما يحب الكورة وهذا الشي متعبني وللحين ما عرفت اختار له لعبه كل ما جبت له شي لا يبدي اهتمام له




6- الكلب عندي عنيد او مزاجي او يستهبل في اوامر الطاعه احيانا يسمع الكلام واحيانا ولا كأنه سامع يقعد يناظر فيني مثلا اقوله sit احيانا يجلس واحيانا لا هل هذا طبيعي ؟




7- بخصوص اوامر الطاعه انا قاعد احاول اعلمه الانبطاح المهم انه ما ينبطح الا اذا كان بيدي شي مثل المكافأة هل هو يستهبل علي ؟




معلومات تفيد للإجابة : النوع جيرمن شيبرد عمر الكلب 9-10 شهور انثى ومن ناحية الذكاء ذكية لأنها تطق باب البيت تبي تدخل ومره كنت بالشارع وتعرفون باب الشارع للبيت يكون شفاف معتم شفت الكلب واقف يحاول يفتح الباب

ايه وللإضافة علمت الكلب قفز الحواجز ويحب هالشي جداً وما ينساه ....

وابي رأيكم بهالصورة




شكرا لكم مقدما واسف على الاطالة اخوكم عبدالله