[الدلع]

وعليكم السلام ورحمة الله وبركاته
أهلين وسهلين .. اقلطي ولا تشيلين هم على الرحب والسعة والي بنقدر نفيدك فيه ما راح نقصّر به سواءً المشرفات ونائبتهم أو الأعضاء جزاهم الله جميعا كل خير

بصراحة .. حلو لو تكتبين مذكرات عن جولي وطلبها وبحثك المستميت عن عريس لها في الفضفضة .. متأكدة انها بتكون مشوقة .. هذا إذا حبيتي
ما شاء الله لا قوة إلا بالله .. البس حلو في نوعه ولونه ومو مشكلة يكون أقل من طموحك أهم شي رضى الوالدة الله يحفظها عنك وترتاحين من وجع الراس الي مسببته المحروسة .. فإن كانه من نصيبك فالله يبارك لك فيه ويبعد عنه كل شر ويحفظه لك
شوفي يا عزيزتي .. البس صحيح بلغ وممكن يتزاوج وبترتاحين من إزعاج جولي لكن فيه شك في مسألة التلقيح فممكن ايه وممكن لا لأنه ما بلغ السنة يعني ممكن يتأخر حملها شوي إن كان الله كتبه .. هذا إذا كان حساب عمره صحيح وإذا تبين الأكيد جيبي صورة أسنانه ويفيدونك الخبيرات
أما مسألة الخبرة .. فلو فشلت في البدايات فمع الوقت بتضبط الأمور لكن لو كنتِ ما تبغين تنتظرين التجارب ويروح عنك كل توجس وخوف من احتمال عقمه فالبس المجرب والي ثبتت له ذرية أحسن .
ما أبغى اصير مثل العقدة في المنشار .. لكن اشتريه إذا سليم تماما من الأمراض ما دامك مستعجلة واكشفي عليه قبل ما تدخلينه للبيت يمكن يكون عنده فطريات أو مرض ثاني ما يبان إلا بالفحص عند البيطري
وبالتوفيق عزيزتي وان شاء الله تشوفين بزورة جولي عن قريب ويتربون في عزك