[مـحـمـاس الـمـنـحـاس]

حبيب قلبي عبود

اول حاجه
اسف ع التأخير
ومثل ما انت تجيك مشاغل الناس بعد ينشغلون
وايضاا المنتدى مليان اسأله واحنا بشر
يعني ممكن نغفل عن بعض الاسأله ولا نراها
ع العموم اخوي راح نجاوبك ونفيدك بأذن الله

المشاركة الأصلية كتبت بواسطة عبووود أبو عيون سووود

أبشرك أخوي منحاس شريت لهم القفص اللي نصحتني فيه ( الله يجزاك خير )
شوف الصور و أبغى منك و من باقي الأعضاء الكرام تعطوني نصايحكم و إرشاداتكم لأني ما أستغني عنكم أبدا ( طبعا ً أنا ما نسيت عظمة الحبار شريتها و غسلتها و حطيتها في الشمس بس ماني عارف كيف أعلقها بالقفص يبغالها شي عشان تثبت عليه )
1 - المجاثم البلاستيكية اللي بالقفص كويسة ولا كيف ؟ أماكن تثبيتها في القفص مناسبة لحركة الطيور و تنقلهم داخله ولا لازم أغير أماكن تثبيتها ؟ و وين أثبتها بالضبط إذا مو مناسبة ؟

في الغالب لاتنفع هذه المجاثم والسبب بسيط
انها تتحرك اثناء التلقيح وغالبا راح تطلع النتيجه بيض غير مخصب
انصحك بأغصان الاشجار من اي شجره ناشفه خذ منها اغصان بحيث يكون عرضها مناسب للبادجي وتكون ثابته عند وضعها في القفص يعني تكون مثبته بالقفص من جهتين
او خذ لك مجاثم بلاستيكيه جاهزه لكن من النوع الموجود في قفصك السابق اللي تتثبت في جهتين من القفص
وتكون ثابته طبعاا تحتاج الى مجثمين واحد يكون قريب من صندوق التفريخ وواحد يكون بعيد عنه قليلا مع مراعات اختلاف الارتفاع فهو الافضل

2 - ليش الأنثى لون كيرها أزرق فاتح ، في الصور هنا مو واضح مره ، لكن عالطبيعة باين لون كيرها سماوي ؟ هل هي جاهزة للإنتاج ولا باقي عليها شوي ؟ و قد أيش باقي عليها ؟

طبيعي يكون كيرها ازرق فاتح مافيه اي مشاكل
التفسير العلمي لها اللون على الكير ان الانثى خارج مرحله الجاهزيه وتحتاج تجهيز بالأطعمه المحفزه مثل الجرجير والبيض بالبقسماط وغيرها
لكن للمعلوميه اخي الكريم
ومن واقع تجربه
سبق وان بيضت عندي اناثي وكيرها سماوي وايضاا بيضت اناثي وكيرها ابيض
يعني الوضع طبيعي ولا فيه اي مشكله

3 -فيتامين الفواكه المجففة كيف أستخدمه ؟ أخلطه مع الأكل حقهم ولا أحطه لهم في صحن مستقل على حده ؟ و كم مره أستخدمه في الأسبوع ؟

عادي جداا وتستطيع استخدامه بأي طريقه من الطرق اللي ذكرتها انت
لكن طريقتي في استخدامه غالبااا قبل التبييض او التفريخ ضع مقدار مكيال واحد على ثلاثه مكيال من اكل الطيور وضعه لهم
يعني بالعربي اخلط كاس واحد من باتيه الفواكه على ثلاثه كؤوس من الحبوب الجافه اللي تقدمها للطيور وبالعافيه على الطيور
ووقف الفواكه المجففه اذا بيضت الانثى لأنها تحتوي بالاضافه الى الفواكه على العسل والبيض وهذا يسبب التشحيم وقت الحضانه
وبعد التفريخ حط الفواكه في وعاء مستقل للطيور بالاضافه الى الاكل والبيض بالبقسماط

4 - فيتامين E اللي بالصورتين الأخيرة كم نقطة أحط منه في المشربية و كم مره في الأسبوع أستخدمه ؟

بالنسبه لهذا الفيتامين ما اقدر افيدك فيه لأني ماجربت نفس الصنف
لكن اقرأ النشره المرفقه معه او المكتوبه عليه
انا النوع اللي استخدمه غير هذا واستخدمه بالطريقه المسجله عليه وهي خمس نقاط على المشربيه لمده يومين واوقفه يومين الى ان تضع الطيور البيض

confused:

اتمنى اكون افدتك في الاسأله
وبالنسبه لموضوع عظمه الحبار
اهم شي اغسلها جيداا ونشفها في الشمس
وبعد كذا علقها للطيور تقدر تربطها ربط بسيم حديد او تدخلها بين فتحات القفص وتثبتها
او تكسرها وتضعها في وعاء
او تشتري مساكه عظم الحبار من اي محل طيور


اتمنى اكون افدتك يالعصبي
هههههههه