|
رد: (كاسكو) محتاجه نصايح عالسريع
بلاك بيري
الله يبارك في حياك أخوي وجزاك الله خير على المعلومات ^_^
قريتهم كذا مره قبل ما أروح المحل والحمدلله لقيت الببغاء المناسب 
اجنوني امزوني
بالنسبه للسعر هذا أرخص شي نحصله في قطر مع الاسف
هو يكون 2500 والبعض يبيعه بـ3000 الاف ريال 
لكن هو نوعاً ما أليف ويركب عاليد حتى لما يكون خايف ^^
وعمره حليو...6 شهور
آنآستــآزيآ
تسلم ^_^
أنا قرأت في أحد المواضيع هني اني لازم أعزله في غرفه هاديه داخل قفص
وأمر عليه واقعد معاه اعطيه أكل واكلمه واطالع في عينه لين يتعود علي في اسبوع-10 ايام
لكن لاحظت اني اول ما دخلته الغرفه توحّش فجأه وقام يتحرك وايد في القفص من الخوف (بدون صراخ)
لما خليته في الصاله معانا ساعه اول ما جبته كان أهدأ وبدا شوي شوي ياكل..حتى أخذ اكل من يدي
الحين في الغرفه اول ما طفيت الاضاءه هدأ (اتوقعه نام)
وراح أغطي القفص بفوطه تدفيه بعد شوي
لكن هل هذا التوتر أمر طبيعي؟
لأن صاحب المحل قال لي كلام ثاني...قال اني اول ما اجيبه البيت اقعده ويانا في الصاله وما أعزله عشان لا يتوحش
|