[الخبر مان]

الله يجزاك خير يابو محمد ويكثر من أمثالك

موضوع رائع ويعتبر مرجع مفيد للأعضاء ..

أنا بكتب عن ببغائي اللي محيرني صراحة مرات أحسه ذكي ومرات أغبى مخلوقات الله

ومرات شديد ومرات خواف .. مدري والله يابو محمد طير مجنون وجنني معاه ..

أول ماشريته قبل أكثر من سنة كان أليف معاي ويخليني أمسح راسه وجسمه وفجأة

مدري وش السبب هل لأني سافرت لمدة أكثر من شهر وتركته صار يكرهني ولا ايش ؟!

من بعدها لقيت عليه تغير نسبي شوي شوي بدأ يبتعد عني وصار يحب أخوي ..

إذا جاء أخوي يصفر له بتصفير خاص بينهم ( شفرة ) ..

مدري هل المشكلة من إني أنا أسوي الأشياء اللي يكرهها ويخاف منها مثل الترويش

أشيله بالمنشفة من القفص وهو يخاف ..

أو لأني مرة من المرات شريت قفاز وحاولت أدربه الطلوع على اليد وأعتقد إنها أحد أسباب

إبتعاده عني ؟!

مع إنه مازال للحين ياكل من يدي بس وهو داخل القفص ..

الشيء الملفت للنظر إنه الحين يوم يحس إني جاي يوقف عن الكلام فجأة ويناظر فيني خايف

غير عن الأهل كلهم مع إني أنا اللي مهتم بأكله وشربه وتنظيف القفص وترويشه

ملحوظة : مرفق فيديو قديم للبغاء لإطلاع الخبراء عليه وعلى سلوكه ومقدار ذكائه من غبائه

ياليت إذا فيه إمكانية وضع خطوات لاسترجاع ثقته فيني أن تضعها مشكوراً أخوي أبو محمد

وشكراً لك أخوي ..

http://www.youtube.com/watch?v=Sa3F0...O5k_dM1-82RgC7