[نوتي حبيبي]

السلام عليكم ورحمة الله وبركاته
قطي عمره 4 سنين ونص مريض من 20 يوم وكانت الأعراض فى اول 10 ايام من مرضه
- عطس ورشح واسهال أول يوميين فقط
- امتنع عن الأكل تمام ومبياكلش الا حاجه بسيطه جدا كل كام يوم
- كان بيرجع حاجه لزجة زي البلغم تقريبا كل ساعتيين
- امتنع عن التبرز بسبب امتناعه عن الطعام
- دا غير الإكتئاب اللى كان فيه والكسل والخمول

وبعد اسبوع من بداية مرضة اخدته وروحنا الوحدة البيطرية وقالولي انه عنده ديدان وممكن تسببله قرحة فى المعده لو معالجتوش وكتبولي على العلاج دا

antiver شراب للديدان 5سم كل 12 ساعه لمدة 3 ايام
flumox مضاد حيوي أمبول كل يوم لمدة 3 ايام
cortigen b6 للقئ امبول كل يوم لمدة 3 ايام
diclophlame مضاد للقرح 1سم كل يوم لمدة 3 ايام

وابتديت اديله العلاج وحسيت بتحسن تاني يوم وابتدي ياكل ويبطل قئ
وتالت يوم من العلاج ابتدت النكسه تاني
امتنع عن الأكل أكثر
الإكتئاب ازداد اكتر لدرجة انه بطل يلحس نفسه من التعب
الحاجه الوحيده اللى اتحسنت انه مبقاش يرجع بس طول الوقت فى محاولات للقئ

ومن 4 ايام روحت بيه عند دكتور تاني قالى ان جرعات الادوية اللى اديتهاله كتير جدا عليه وكشف عليه بالسونار ولقى ان في ميه على الرئه
وادااني العلاج دا
محلول جفاف ادهوله بالسرنجه فى فمه
وفيتامينات fruital 3 سم يوميا لحين شفائه
وانتينال جرعتين 2 سم فى اليوم لمدة 3 ايام

مشيت على العلاج ومافيش اى تحسن خااااااااااااالص
بالعكس دا بيزداد سوء كل يوم
شهيته للطعام انعدمت تماما ومبقاش ياكل اى حاجه سلقتله الفراخ وفرمتها مع المرق وبديله بالسرنجه فى فمه 5 سم بالعافيه ولما اجى اديله تاني الاقى اللحم لسه فى فمه وامتص بس العصارة
بديله محلول الجفاف كل ساعتين تقريبا 10 سم فى فمه

وخلاص هو تقريبا بيحتضر جسمه اصبح هزيييييييييييل عباره عن هيكل عظمي وفوقة فرو
ومابيتحركش غير وهو رايح الحمام

اتصلت بالدكتور اللى تابعت معاه اخر مره ولما وصفتله حالته قالى مافيش داعى تييجي خليه يرتاح هو كده حالته متأخره

بس انا مسكتش والأمل لسه منقطعش
اتصلت بدكتور تاني قالى اديله محلول ملحي تحت الجلد 10 سم كل 3 ساعات علشان يديله باور
هو دلوقتي نايم طول الوقت ومفتح عينيه ومبتحركش حتى لما اديله المحلول تحت الجلد مبيحاولش انه يهرب كالعاده وقاعد مستسلم
مافيش غير نفس داخل ونفس طالع ومن شوية دخل راح الحمام وكل مايمشي خطوتين يقف يريح
ارجوكم ردوا عليا
انا لسه عندى امل انه يعيش

أعمل ايه انصحوني
بالله عليكم ردوا ومتطنشوش
واقسم بالله انا دموعي مابتنشفش من على خدي انا قلبي بيتقطع حزناً عليه وانا قاعده مستنيه روحه تطلع ومتابعه انفاسه

انقذة ازااااي؟؟؟؟؟؟؟؟؟؟؟؟؟؟؟؟؟؟

ارجوكم الحقووووني انا حاسه بالذنب الرهيب من نحيته
كل شوية يبصلي فى عيوني كأنه بيقولي انقذييني