[الدلع]

وعليكم السلام ورحمة الله وبركاته
الله يجزاكِ خير ويعطيكِ العافية على ذا المبادرة الطيبة والتذكير بضرورة العطف والرحمة بذا الكائنات المحبوبة للكثير حتى ولو كانت ساكنة الشارع فمن واجبنا الإحساس بمعاناتها في كل وقت وخصوصا في موسم الشتاء .
الحمد لله تعودنا من سنين طويلة نطلع بقايا الأكل للبسس والطيور فقدام بيتنا أرض فضاء وكل صبح نجمعها للوالد ويحطها فيها وما تتخيلون كيف يتجمعون عليها من كل مكان وخصوصا العصافير في الشتاء لأن التمر ما يكون متوفر في النخيل وبعد حمام الجيران ما يقصرون
امال شاعر : الله يجزاك خير على الي تسوينه لهم وإذا كنتِ متضايقة من رفس البسس بالرجول ففي أعظم من كذا وشفته بعيني ولو كان صالح للعرض كان حطيته لكن للأسف انه يجسد ( قمة القسوة وخلو القلب من الرحمة ) وهو مقطع فيديو ما يصلح يشوفه الي قلوبهم ضعيفة ويظهر فيه ولد عمره تقريبا 16 أو 17 والبسة جالسة قريب منه بكل هدوء وتطالع فيه ويمكن تنتظره يعطيها أكل لكن كان جزاءها القتل بـ ( بلكة ) نعم هذا الي سواه حسبنا الله ونعم الوكيل والرجال واثق من نفسه ومفتخر قدام الي يصوره وكأنه أنجز عمل عظيم
للأسف تنقص بعض أفراد المجتمع وخصوصا الاطفال والمراهقين واحيانا الراشدين ثقافة الرفق بالحيوان الي حثنا عليها ديننا الاسلامي الحنيف وأنا أحمّل الأهل المسئولية في أي تجاوز واعتداء يصدر ضد أي حيوان وخصوصا البسس لأن التربية تبدأ من الأسرة وكلنا يعرف قصة المرأة الي دخلت النار بسبب بسة وما في انسان يرضى لنفسه ولا لأهله يكون هذا جزاءهم عند رب الالمين .