|
رد: استفسار حول اكل الكلب
شوف يالغالي .. لازم تعرف ان كلما زاد نشاط الكلب و حركته راح تزداد كمية اكله .
هناك انواع من الكلاب تاكل و تاكل و تاكل و حتى اذا شبعت تاكل مثل اللابرادور على سبيل المثال
وقد يكون كلبك من هذا النوع لذلك لا تقدم له ٧ وجبات باليوم هذا كثييير .
الجرو في هذا العمر يكبر اكثر و يتضاعف حجمه فهو يحتاج الى الغذاء الموزون .
كمية الطعام اللي تقدمها لازم تكون موزونه بعد وهذا الشي انت تحكم عليه من خلال مراقبتك له يوميا
و هو ياكل ،، او تقدر تستعين بالتعليمات المووجوده على اكياس اكل الكلاب او العلب .
توقيت الاكل مهم لازم تحدد ٣ اوقات تعطيه ٣ وجبات كافيه له باليوم
ويكون بين الوجبه والاخرى ٦ الى ٨ ساعات
كنت اتمنى اشوف صوره واضحه لجسم الكلب عشان اعرف هل هو سمين زياده عن اللزوم او ضعيف
ولكن اللي اشوفه الان ان جسم الكلب مناسب لعمره .
بالنسبه لحبوب الديدان لازم تغير نوعيتها بين فتره و فتره لان الديدان راح تتعود و تتاقلم اذا كنت تستخدم
نوع واحد فقط .
و اخيرا و ليس اخرا افضل طريقه عشان يتمكن دواء الديدان و ياخذ مفعوله كامل
تخلي الكلب يصوم ١٢ ساعه + تعطيه حبوب الديدان + تخليه ساعتين بدون اكل وبعدين تعطيه وجبه
بدون ما تقطع عنه الماء ( الصيام عن الاكل فقط )
تكرر الجرعه بعد اسبوع عشان تتاكد ان حتى البيض يموت .
موفق باذن الله .
|