[Musab Pro]

المشاركة الأصلية كتبت بواسطة عاشق الكلاب الكبير

مشكووز يالغالي

بالنسبه لاللون الابيض ممكن يروح مع الزمن ولا لا ؟
و التحميم احممه مره فالاسبوع لانه يلعب كثير و يتوصخ !
و برنامج الديدان انا عطيته تطعيمه من شهر ، لازم اعطيه حبوب ولا لا ؟ واذا ايه ، فيه نوع معين ولا اوديه للبيطري و هو يعطيني ؟

و مشكوور عالمساعده

اعتقد يجب التوقف عن تحميم الكلب كل اسبوع .

تستطيع تمشيط الكلب يوميا و هذا من شأنه انه ينظف جسم الكلب .

و هنا يطرأ علي سؤال ( هل تستخدم شامبو للكلاب ؟ و هل هو للجراء ؟ )

بالنسبه للشعر فهو سوف يتبدل ان شاء الله كل سنه ..

بالنسبه لتغير لون الشعر الى الابيض اذا كانت المشكله هرمونات فهي تنقسم الى قسمين .

القسم الاول وراثي بحت و يكون فيه عدم اتزان في الهرمونات عند احد الابوين وينتقل

الى الجرو .. و هذي المشكله ممكن تروح لوحدها مع النمو و اتزان جسم الكلب كيميائيا .

وغالبا يكون اللون الابيض متوزع حول الرقبه او اطراف الاقدام .

اما القسم الثاني يكون تغير لون الشعر تبعا للحاله النفسيه عند الكلب .

وانا شاهدت كثير من الكلاب لها مثل هذي المشكله و لكن غالبا يكون الشعر الابيض حول منطقة الفم

و مثل ما قلت لك يكون المشكله الرئيسيه عدم الاتزان نفسيا .

وهذا الشعر يرجع لونه مع تحسن نفسية الكلب على فترات طويله .

تفائل و ان شاء الله ما يجي الا الخير .

عموما تغير لون الشعر الى الابيض هو في الحقيقه فقدان الخلايا اللونيه للشعر فعاليتها

لاي سبب من الاسباب .. و اعتقد ان التمشيط اليومي راح ينشط الجلد و يسقط الشعر الميت

وقد يكون احد العلاجات لرجوع فعالية الخلايا اللونيه .

اما بالنسبه للتطعيمات و حبوب ديدان البطن .

اذا كنت تقصد بالتطعيمات اللي انا اعرفها ( السداسي + الريبز + البارفو )

فهذه التطعيمات ليس لها علاقة بالديدان و يجب ان ياخذ الحبوب .

اما اذا استخدمت نوع من التطعيمات لمحاربة ديدان البطن فيجب عليك اتباع نصائح البيطري

** للمعلوميه : برنامج حبوب الديدان يكون دوري اي كل 3 اشهر او 4 اشهر او 6 اشهر

على حسب نوع الاكل اللي تعطيه الكلب و على حسب نوع الحبوب اللي تعطيها الكلب .

ايضا اذا كنت تتعامل مع بيطري فنان يمكنك اخذ عينه من البراز اجلكم الله واعطائها البيطري

و هو سوف يحللها يقول لك اذا كان الكلب يحتاج حبوب للديدان ولا لا .

وانا اشوفها الطريقه المثلى ولكن للاسف ليس في الوطن العربي .

اتمنى اكون افدتك ولو بالقليل .

تحياتي لك .