|
ساعدوني .. قطاوتي جننوني :(
السلام عليكم ..
هذي اول مشاركه لي بالمنتدى  وانشالله مو اخر مشاركه 
عندي شغلتين مجننيني ياريت تساعدوني لاني تعبت 
عندي قطوتي شيرازيه عمرها شهرين .. جننتني بقصة العض حاولت معاها بكل شي ..
اني ابعدها او اطقها عالخفيف على راسها و اقول لها "لاا" بنبره حاده ولا في فايده ترجع و تعض
جربت احط كريم على ريحة ليمون و حطيت عطر ولا في فايده  شنووو الحل تكفون !!
غير جذي ابيها تتعود تنام بسريرها .. جربت الكات نيب و لا جاب نتيجه قعدت 5 دقايق فيه
و عقب مشت .. ماتنام الا جمبي بالسرير ..
انا ماعندي مشكله انها تنام جمبي بس مشكلتها العض وانا نايمه و جر الشعر و اللحس 
شلون اعودها تنام بسريرها ؟ جربت ارش بخاخ الـ keep off عشان ماتقرب للسرير ولا جاب نتيجه
والمشكله الثانيه ان عندي قطو سيامي عمره سنه .. جبته من شهر تقريبا ..
والقطوه الصغيره من تشوفه تروح تطقه و تتهاوش معاه و تحاول تأذيه
مع انه هادي مايسويلها شي ... جربت طريقه ان يشمون ريحة بعض عشان يتعودون و مافاد ..
مع ان اول ماجبته ماخليتهم مع بعض على طول بالتدريج ..
واخر فتره من تهجم عليه صار هو يسوي الشي نفسه لين اجي و افككهم عن بعض .. 
الحين انا عازلتهم عن بعض ..
وماقدر اخلي اكلهم مع بعض لان السيامي فيه دود و قاعده اعالجه للحين ..
ادري ازعجتكم بس شسوي جننوني و مالي الا انتم تفيدوني بخبرتكم
|