[شاهستا]

وعليكم السلام ورحمه الله
الف مبروك وحمدالله على سلامتها
ويتربوا فى عزك ان شاء الله
بالنسبه انها بتنونو خليها فى غرفه هاديه وهدى النور ومدخليش عليها اطفال
وخلى قدامها الاكل والمايه
والتنظيف هى هتنضف نفسها والكيتن
انتى بس غيرى لها الفرشه الى ولدت عليها
واكليها خضار مسلوق جبنه دراى فود جميع الاكل الى بتاكله عادى
بس زودى الكميات لان شهيتها بتكون مفتوحه اكتر
وطبعا الفيتامينات مهمه جدا فى الوقت دة
وبلاش اللبن او بكميات بسيطه جدا عشان ميسبب اسهال

اه ارمى الكرتون القديم مالوش لازمه خلاص
اكيد بطنها منفوخ عشان لسه والدة عادى
هو انا بمسك الكيتن اول مايتولدوا عادى
عشان قطتى بتحبنى وبتثق فيا مش عارفه علاقتك ايه بقطتك
فى قطط لما تمسكى الكيتن مش بترضى ترضعهم
فى كل الاحيان البسى جونتى فى ايدك وشيليهم
استمرى على زيت الزيتون بس قللى الكميه عشان ميجلهاش اسهال
النصيحه ممنوع الاستحمام نهائى ليها او للكيتن
واهتمى باكلها وغيرى الفرشه الى نايمه عليها كل يومين
وربنا يخليهمك يارب