|
رد: لي طلب..بس..لا تضحكون هاه
اهلين بالقرصان مرة اخرى ...
والله يالغالي .. انا ماقد سمعت ان نملة عادية ... تتحول ملكة !!!
الي اعرفه ...
ان حجم الملكة زي حجم 5-6 نملات من نفس النوع مجتمعه او اكثر ..
ما اعرف هي تطلع من البيضة على انها ملكة ... ولا يصير لها حاجات من صغرها وبعدين تصير ملكة
الله اعلم ...
لاكن اعرف ان من كل مستعمرة يطلع ملكات لايسمحون لهم بالعيش في نفس المستعمرة
عشان كذا تطلع الملكات وتروح كل وحدة لحالها وتدور مكان معزول زي الشقوق وتحت الاحجار وداخل الاشجار
وتحط بيضها هناك ... وتنتضر الى ان يفقس ... ويصير عندها نمل يخدمها وتؤسس مستعمره جديدة خاصه بها ...
والغرض من الكلام هذا كله .... انك تتوكل على الله وتبداء تدور على الملكات ..
روح لاماكن مافيها نمل .... وفيها احجار او اخشاب كثيرة ... وافضل شي اماكن فيها الواح اخشاب او الواح زنك
خل معاك علبة صغيرة فارغة ..
وابداء ارفع الاخشاب الي فوق التراب (( انتبه من العقارب )) وافحص الارض هنا وهناك الى ان تلقى .. نملة حجمها كبيير مرة وشيلها .
لاتقول مستحيل القى ملكة نمل ترى وجودها ماهو نادر ... انا القى احياناَ بالصدفه
لاكن اعتقد انك اذا بتاخذ ملكة ... ان يبغالك مكان اكبر من حوض بكثير ...
وضروف عيشها مو بالبساطه هذي ... يبغالك حاجات كثيرة عشان توفرها ,,,
باختصار صعب جداَ تبداء مستعمرة من الصفر والافضل تاخذلك مجموعة كل فترة واذا ماتت تغيرها ..
مع اني ما اعتقد ان مجموعة صغيرة بتموت لو ابتعدت عن مستعمرتها زي ماتقول ...
والله اعلم
عقبال مانشوف ابداعاتك
وبالتوفيق ...
تحية
الطاير
__________________
لا أرتضي الذل إن سارتْ له العربُ ...... من يألفِ النجمَ لا تعنو لـه التُـرَبُ
=============== سبحان الله وبحمده سبحان الله العظيم
القراَن الكريم ,,, لأكثر من 200 قارئ
|