[صمت الأمل]

وعليكم السلام ورحمة اللهـ وبركاتهـ .


اولا اللهـ يباركـ لكـ في طيوركـ وبالقفص , ان شاء اللهـ ماتشوف منهم الا كل الخير .


الإخوان ماقصرو بالإجابهـ ربي يعافيهم .

الدجاج دايما يتجمع في زاويه وحده هل هاذا عادي ؟

وين موقع هالزاويهـ ؟؟ هل هو بجهة مكان بعيد عن الباب ؟؟


اذا نعم فهم حاليا خائفين من هالتغير ,, ويعرفو ان الباب راح ينفتح وتدخل عليهم ويحاولو الحمايهـ والهروب بأفضل وسيلهـ لهم .


اذا راقبتهم بشكل بعيد وبدون مايلاحظوكـ راح تشوفهم يمشون ويستكشفو طبيعي بالقفص .

وشفت دجاجتين جاسين في الاعشاش نايمه الساعه 9 الصباح ها هاذا عادي ؟

هل الدجاجتين بالغات أم لأ ؟؟ اذا نعم فممكن يحاولو يرتاحو للمكان عشان التبييض .


اذا صغيرات بالعمر فقد يكون اختباء لهروبهم من الديوكـ .

عندي الديك يأذن وكبير شفته يحاول يتزاوج مع دجاجه بس انها اصغر منه بشويه كلمت البياع قال عادي هاطل يدل على انها حتبيض فأتمنا تفيدوني

التزاوج ليس لهـ اي علاقهـ بالإنتاج ,, وهذا اعتقاد منتشر جدا وللأسف غير صحيح .


الدجاجهـ راح تبيض سواء بوجود الديكـ أو عدمهـ .

عندي الدجاجه الي حاول يتزاوج معاها اليوم جالسه لحاله وتتنفس بطريقه غريبه وتحاول ان تفتح فتحت الإخراج كانها بتطلع بيضه فانا خائف لا تكون تعبانه ؟؟!!

معليش مافهمت هالحركهـ اللي تكلمت عنها !!


هل هي تبعد رجليها وتحاول تبيض بدون فائدهـ ؟؟


انت امسكها وشوف فتحة الإخراج هل فيها آثار تجمع للبراز اكرمكـ اللهـ أم نظيفهـ ولايوجد بها اي مشكلهـ ؟؟


اذا فتحة الإخراج متسخهـ فحاول تنظيفها بفوطهـ أو منديل مبلل بماء دافي ,,


واذا مافيها أي مشكلهـ بفتحة الإخراج ,, راح اعطيكـ طريقهـ ممكن تفيدها ,, لكن أنت شوف الدجاجهـ بالأول .


اذا تقدر تعطينا صورهـ لها ان شاء اللهـ نحاول نفيدكـ .