[Nona999]

وعليكم السلام ورحمة الله وبركاته ..

حصل خير اخوي .....

اتمنى المره الثانيه عند علاج الكلب عدم الاستعجال بـ تحسن وضعه حتى لو طولت مدة العلاج بس اهم شي يكون الكلب بخير ..

و انا بصراحه ماعجبني وضع الابر كل يوم بالذات وان كلبك جرو صغير ...

وبخصوص ان كلبك يهرب منك خوفا فهذا لانك انت تعطيه الابره فـ كل ماقربت منه بيجي فـ باله الابره ويخاف ويبعد ..

وبالنسبه للحليب مو مشكله لو مايشرب حليب لان الحليب يسبب لاغلب الكلاب تلبك معوي انت غني عنه ..

و اذا الكلب يأكل حتى لو القليل فـ الحمدلله و اذا كان الكلب مايأكل نهائي فهذا يجب عرضه على طبيب بيطري متمكن ..

و ارجو الانتباه لنقطه ..

عند عرض كلبك على بيطري ويعطيك ادويه وكذا حاول تستفسر عن كل صغير وكبيره و خاصه الابر اسأل عن فوائده ومضارها فـ بعض الابر تسد شهية الكلب مما تضطر انك ترجع للبيطري ويعطيه فاتح شهيه ..

لان بعض البيطريين ماعندهم الخبره الكافيه وممكن البعض منهم ينزعج لما تسأله عن شي ..

لكن يجب انك تعرف عن كل شي ياخذه كلبك فـ هذي بالاخير روح بين ادينك وانت بتتألم من الم كلبك ..

لك رساله على الخاص

موفق