[الدلع]

معليش وحدة داخلة خط عرض
اختي شعنونة : الله يخليهم لك ولاتشيلين هم بيتعودون على بعض بس يلزمك تصبرين شوي ما في شي يجي بالساهل وهذا شي طبيعي ومتعارف عليه بين البساس
أنا مريت بنفس مشكلتك وحدة شهرين والثانية 5 شهور لدرجة اني فكرت أتخلى عن وحدة منهم لكن حبي لهم خلاني أغير رايي و أصبر وانتظر الفرج والفرج جاء بعد اسبوعين تقريبا والقصة اني اضطريت أجيب الصغيرة الجديدة عندي في الدور الثاني والي كانت فيه الكبيرة متواجدة باستمرار لأنها تخاف تنزل فصارت حالة استنفار وحدة تبخ والثانية تاخذ وضع الدفاع وكل وحدة لها أغراضها الخاصة لكن من باب اللقافة من الثنتين كل وحدة تروح تشمشم أغراض الثانية والصغيرة كانت جريئة راحت استعملت ( اليتر بكس وشربت موية من صحن الكبيرة ) بس يوم واحد ونزلت الصغيرة مرة ثانية
في البداية استنكرت الكبيرة الريحة الموجودة على اليتر بكس والصحن لكن استعملتهم عادي وبعد فترة نزلتها وكل ما تواجهوا شمشموا بعض حتى صاروا أحسن بكثير من أول بس الكبيرة أحيانا تاخذ موضوع اللعب جدي وتستخدم مخالبها فأقترح عليك انك تحطين لها مخالب ناعمة لحد ما تكبر الصغيرة وتقدر تدافع عن نفسها لأن فارق السن بينهم كبير ولا تنسين تخلينهم على سجيتهم في اللعب لكن حطي عينك عليهم واصبري وأي حركة ما لها داعي من الكبيرة تدخلي بسرعة واسحبي الصغيرة وابعدي كنك ما سويتي شي أو سوي حركة تشد انتباههم حتى تنتهي الجولة بالتعادل واشركيهم معك في اللعب وبتشوفين تفحيط وخمسات وبتستانسين عليهم .
أنا أشوف انك ما تقربين الصغيرة من الكبيرة في الوقت الحالي حتى تكبر شوي بس اتركي الأغراض الشخصية للصغيرة في الاماكن الي تتواجد فيها الكبيرة باستمرار فهذا بيساعد على تعودها على ريحتها وتقبل وجودها مع الوقت
أنا عندي ملاحظة بسيطة أتمنى الجميع ينتبه لها وهي فطم الكيتن الصغير قبل ما يكمل الشهرين وعرضه للبيع .. ممكن عرضه للحجز وتسليمه بعد ما يكملهم لكن لا تعرضونه حتى يكملهم محافظة على صحته وان شاء الله يتربون في عزك وتشوفين عيالهم