|
رد: التغيرات بدات علي روني بعد ما احممته بس السؤال ليه هو رعش
اول شي شهرين شي طبيعي تحمميه بس بحذر
بس توضيح بسيط اذا روشتي روني ولمن جا الوقت الي تنشفيه وحسيتي برعشه زي الهزاز بتاع الموبايل فدا عاادي لانو مش متعود على الماء عموما لمن يسير كده على طول تملي الي عملتي غرفه ما يكون فيها تيار هواء ولا شي ونشفيه بألاستشوار .
اول مره تروشي فيها القط ضروري راح يهدا شويه ويطول في النوم لانو الخوف الي كان حاسو وقت الترويش راح يحطو في النوم فلا تخافي برضو من دي الحاجه
بألنسبه للظوافر بس قريت تعليق لاحد الخوات انو لازم يكون بعد 3 شهور حبيت اعدل المعلومه دام ان القط انفطم والاظافر طالت ضروري تنقص من اجلك ومن اجل اثاث البيت ايضا خصوصا في العمر دا بيلعبو كثير ممكن يخربشك بألغلط بس اهم شي تتبعي الفهرس الخاص بقص الاظافر حتى ما يسير لروني اي مكروه
والله الموفق
|