|
رد: مشكلة + سؤال = ابي حل ^^
اختي الطيور كلها ذكور مثل ماقلت لج من البداية..
بعطيج شرح مفصل علشان ماحد يختلف على طريقة تمييزهم
أول شي الطيور البيض..
الطائر الابيض في الزيبرا نوعين.. الأول وايت وهو إلي يجي أبيض خالص
ونقدر نميز الذكر من الأنثى عن طريق المنقار و من الصوت..
الأنثى ما تطلع الا صوت واحد بينما الذكر يطلع صوتين..
وبما ان مانقدر نحط اصواتهم هني نختصر الموضوع وندخل على شرح الصور
على طول من اللون والمنقار..
نلاحظه الأنثى على اليمين حيث المنقار برتقالي اللون.. والذكر على اليسار أحمر المنقار
صورة توضيحية طبيعية
صورة توضيحية عن طريق الرسم
النوع الثاني من الطيور البيضاء هي طيور الچسنت وطريقة تمييزهم أسهل من الأبيض
الخالص ونلاقي فيهم فوارق الطيور الزيبرا الباقين إضافة إلى لون المنقار.. يعني يكون فيه
لون خفيف في الخد للذكر ومو شرط يكون واضح .. بعض الأحيان يكون خفيف وهو
الي صاير عندج مع الذكر الأبيض على حسب الصورة هذي اضافة إلى اللون في أسفل جناحه
ولون في الصدر اضافة الى لون المنقار الاحمر وعند الانثى برتقالي مع وجود دمعة أسفل العين وبدون لون في الصدر ولا يشترط ان يكون اللون غامق سواء في الصدر أو في الخد وهذي الصورة الي انتي حاطتها في الصفحة الأولى وتبين بأن الطائر ذكر
صورة توضيحية عن طريق الرسم للتمييز بين الذكر و الأنثى في الزيبرا الچسنت
طائر مشابه إلى الي عندج بس بشكل اوضح نلاحظ اللون الاحمر في المنقار وباقي صفات الذكر
يعني الطيرين الي باللون الأبيض عندج ذكور مع سبق الإصرار والترصد 
اما بخصوص الطيرين الباقين الي عندج فهم ذكرين 100%
هذي الصور من الي حطيتيهم في الصفحة الأولى.. جميع ملامح الذكورة فيهم
مثل ما هو موضح في الصور أدناه والدوائر تشيل على ملامح الذكورة
ما اعتقد في شرح أفضل من هذا هههه
وبعد اذا احتجتي شي حاضرين
|