|
رد: ما هوه المطلوب مني؟؟؟
يا هلا بأهل السلطنة الغالين
اول شي الزيبرا ماتحمل.. الزيبرا تقعد البيض وتحضنه في عشها مو في بطنها خخ
فترة احتضان البيض تتراوح بين 15 الى 18 يوم
بخصوص مواد التعشيش انا من سنوات ما استعمل غير الحشيش العادي
اقطعه من المزارع واحطه لهم تحت في القفص وهم يبنونه ويتصرفون فيه
بس تقدر تستعمل اشياء ثانية مثل الخيوط ولكن لا تكون طويلة علشان مايلتف
على الفروخ ويقتلهم اذا فرخو عندك
يعني يكفي طول الخيط بمقدار طول الاصبع
نصيحتي استعمل الحشيش العادي .. لأن يقدرون يتحكمون فيه
ويقطعون الزايد منه على عكس المواد الثانية ماينقطع الخيط الزايد عن العش بـ المنقار
صورة توضيحية لـ القدرة التحكمية لدى الطير لدى استعماله الحشيش "تكون ارتب"
الحشيش اذا بتحطه خليه يكون اخضر ولما يجف داخل العش راح يكون ثابت وماعليه خوف
اذا مافهمت الشرح خبرني علشان اشرح لك خخخ بس لأني مو نايم زين يمكن ماشرحت عدل
|