أنا أعلم أن كلماتي لن تعيد لك طائرك أو من خلالها تسترد اموالك اللي أنفقتها لكن ما بيدي غير أقول الله يعوضك بخير منه وهو قادر على هذا الشيء
وأستمحيك عذراً ان اضع مشاركه لي بموضوعك عن الكاسكو الهولندي
يا أخوان الجميع يلقي باللوم على المزرعه المنتجه لهذي الطيور لكن انا للامانه كنت أفكر ليش بالذات دول الخليج تشكي من الموت المفاجأ معقوله ان المزرعه ماتورد الا لدول الخليج بالذات وتكون طيورها موبؤه بالأمراض وسرعان ماتموت لمصالح تجاريه ؟
وطبعاً معروف عن المزارع المختصه بتفريخ الببغاوات تهتم وراثياً بالطيور و الحصول على أفضل الأحجام و تربية الطيور من سن صغيره وتقديم لها الأغذية المكمله صحياً لها و بعد هذا كله تموت عند المربي خلال ساعات أو ايام !!
انا بأعتقادي الشخصي العيب مو في المزارع اللي تفرخها لأن المزارع تبيع انتاجها لتجار وهؤلاء التجار عاد هم يسوقون الطيور للبلد اللي يبونها واغلب الفروخ الهولنديه اللي توصلنا تعتمد على الغر , يعني الواحد فينا يتخيل المسافه من المزارع المتواجده سواء في هولندا أو أوستراليا أو أمريكا الجنوبية للبلد كم ساعه أو بالأحرى كم يوم ؟
وأين يتم وضع الفروخ وهل يتم العنايه بها أو تغذيتها بغذاء متكامل نفس اللي تعتمد عليه من يوم خروجها من البيضه وهل يتم تعقيم ادوات اطعامها ؟ حتى تصل للمحلات اللي مايعرفون غير السيريلاك اللي مافي منه ادنى فائده ويحطون الفرخ يا في عز الحر ولا قدام مكيف بارد حتى يقدر الله عز وجل ويتم شراء الفرخ من قبل الهاوي اللي فرحان بطير حجم خيالي و اليف لأبعد الحدود ويتفاجأ بموته
زبدة الكلام اللي أبي أقوله يا أخوان أنا أشوف ان الطيور على ماتوصل عندنا تكون عرضه لعوامل عديده كفيله بموتها مباشره أو مرضها لأن الطيور بأعمار حرجه وخطيره تحتاج لعنايه فائقه
هذا ماعندي والله أعلم