|
رد: هل هناك طريقة لعدم التزاوج و الحمل عن الهامستر ؟
دلع بسة الهامستر اللي أخذتيه لوحده ذكر و لا أنثى
لأني بحس إن الذكر أفضل 
وكيف أميز بين الذكر و الأنثى غير الطريقة المعروفة  لأني أنكسف قدام أبوي أسوي ذيك الطريقة يعني مثلا الذكر أغمق لونه الأنثى وجهها كبير و لا حاجة زي دي 
وكيف أعرف أن الهامستر عمره 4 أسابيع ؟؟ حجمة كيف يكون ؟
لأن اللي يشتغلون بالمحلات بعضهم ما عندهم امانه  ويمكن يعطوني هامستر عمره 60 سنه ويقولوا هذا عمره 3 أسابيع  ههههههه
وهل ينفع أشتري قفصين قفص للبيت و قفص لبرة البيت ولا ينزعج ؟
إيش رايك في هاذا القفص صغير على الهامستر الوحد ؟
ولا تنفع تكون لنزهات و خارج البيت ؟
وإيش أفضل مشربة ؟ إيش رايك بهاذا مثلا 
أشتريت لأرنبي مشربة وماكانو يشربوا منها إلين ما أجيب الصحن و يشربوا
وكان في أرنب يعض المشربة و تنزل موية بعدين يشربها تتوقعين المشربة كان فيها خلل ؟؟
وهل تعرفي مكان في جده يبيعون الكرة حق الهامستر عشان يمشي في البيت ؟
أو مثل دي 
وهل في أقفاص حلوة وجميله للهامستر في جده بأسعار معقولة ؟
مثل دي
http://www.packagepets.com/product/8...blue_large.jpg
أو إي أحد يقدر يساعدني من أهل جده 
وممكن صورة قفصك أو شبيهه لو ما كان عندك مانع 
وحأكون ممتنه لكم و حأدعيلكم
|