[جداااوي]

وعليكم السلام ورحمة الله وبركاته
الف مبروك عليك الطير
واسمه مره حلو ماشاء الله

س1/ ليه سكر ما يرضى أمسح على رأسه وحتى جسمه ويرضى أني أحمله

لانو مو متعود احد يمسح عليه
ولازم انو تبدأ في تدريب الطير على المسح على راسه وجسمه يعني اعتبره طير جديد عندك

س2/ سئلة متخصص قالي لا تقصص أظافيره لأنه بيكرهك خل بيطري يقصصهم أفضل

من ناحية قص الأضافر من الأفضل قص الأضافر من فتره لأخرى لانو بتجمع الأوشاخ والجراثيم والطير يحب ياكل شوي بأضافره وكمان ما تجرح وهو على يد الشخص وطريقة القص لها شروط يجب مراعاتها لانو في عرق او عصب ( منطقه حساسه )

س3/ كم ساعة أجوعه على شان أروضه

من ناحية تجويع الطير انا ما انصح انو تجوعه
والتجويع مفيد في حاله واحد وهي انو اذا تبغى الطير ياكل من يدك
والتدريب له عدة طرق
راجع مواضيع التدريب الخاصه بالأعضاء

س4/ أهو تقريبا في مرحلت القلش صار لها معاه تقريبا 6 شهور هل هذا عادي ولالا

ايوا الفتره اللي جلس فيها الطير معاك تعتبر فتره جدا طويله
وهو تعود على المكان
بالتوفيق والصراحه انا مو فاهم ايش تقصد بالقلش

س5/ أهو يخاف كثير من الزوار الجدد حتى إذا مشوا يمه لدرجة أنه يطيح من مكانه

اكيد الطير مو متعود على الأشخاص الجدد وهادا شي طبيعي
والطير بحاجه لترويض كي يعتاد على الجميع
يعني اذا كان مدرب ما يخاف من اي احد

والتوفيق يا غالي

تقبل مروري