[Amal AlBahrain]

السلام عليكم ورحمة الله وبركاته


بسبب ترددي عن حالة الدرة ان كانت مريضه او لا كنت بافقد الطير اليوم !!
وللحين فيه امل انه يموت بأي لحظه

خلال يومين (امس واليوم) الطير فقد وزنه كله
صار يرجع كل شي ياكله

والسبب كما ذكرت البيطريه انه يعاني من زكام شديد
ومثل ماذكرت بموضوعي السابق ان سائل لزج يطلعه لما اعطيه الاكل


نصيحه لكم اخواني اي مربي طيور يلاحظ تغيير على طيره يسرع وياخذه لبيطري ممتاز ويتأكد من كل شي


انا عن نفسي دفعت اليوم 45 دينار وكنت مستعده ادفع اكثر بعد، بس المهم ما افقد الدره تعلقت فيها وايد ..

الدكتوره اول شي نظفت له انفه
وبعدين كانت ناويه تعطيه ابره بس من كثر ما ضعيف ماقدرت تخاطر
فعطته الدوا عن طريق فمه

واعطتني الدوا وهو عباره عن قطره واحده في اليوم بس لسبعة ايام
واعطتني بودره عباره عن بروتين وفيتامين اخليه مع السيريلاك

وبكره بعد باخذه عشان تنظف له انفه ..




في نهاية موضوعي بس ابيكم تدعون ان الله يشافي الطير