|
رد: ارجو منكم تقيم كلبي هل هو بيور ؟
والله يا اخوي رضا جيتك عزيزة على قلبي وعلى كل من يشارك في هالمنتدى الطيب وشاكرلك على الدعاوي الجميلة وان شالله في ميزان حسناتك والله يحفظك 
ومثل ماقلتلك انا اقدم المساعدة بالي الله يقدرني عليه وحسب معرفتي ..
عين زرقة وعين بني قامق = بيور 100%
في الخارج يعتبرون اختلاف العيون عند السيبيريان هاسكي fault لكن انا بوجهة نظري اشوفه شي مميز ونادر ومايغير من صفاته الاساسية وبالعكس يزيد من جماله والي عندك ماشالله عيني عليه باردة .
انا فهمت ان قالب البيت اسطبل انه يوصخ ( اعزكم الله ) في كل مكان ؟؟ ولا مطشر كل الاغراض وعافسكم ؟ 
اذا كان الاحتمال الاول : هذي مشكلة يواجهها كل من يشتري جرو جديد ولازم انك تعوده على مكان التوصيخ بس انا اشوفه للحين صغير يعني راح يتعبك شوي لانه بهالعمر قدرته في تحمل التخزين ضعيفة ..بس الي عليك انك تسوي الآتي :
بعد ماتوكله بربع ساعة تربطه او تقعد معاه بمكان انت تبيه يوصخ فيه وتنتظر الى ان تشوفه يشمشم في الارض وراح تفهم انه راح يوصخ واذا وصخ لاتطالعه وبس يخلص امسح عليه وكافئه بقطعة اكل .
واذا كان الاحتمال الثاني : هذا الهاسكي يحب اللعب وللحينك ماشفت شي اذا كبر الله يعينك عليه بتعبك من الركض لان الهاسكي يحب شي اسمه ركض ولعب واذا كبر لازم تخليه في مكان واسع .
-------------------------------------
القفص حل سليم عشان تقدر تتحكم فيه بيتعبك في الايام الاولي اكيد راح يعوي : قبل ماينام في الليل ،، لما يحس في الجوع ،، لما يبي يلعب ،، بعد مايوصخ داخل القفص .
انتظر الى ان يكمل ثلاث شهور واشترله او اعمله قفص وتكون مساحته مناسبه حتا يستطيع التحرك داخله يعني تقريبا ثلاث امتار x مترين مناسب جدا حتى عمر الست شهور تقريبا ..انت بالنظر راح تقدر تقيم ولاتاخذ على الارقام المهم يوسعه ويقدر يتحرك داخله ..
اسمحلي على الاطالة وان شالله اكون افدتك وتقبل مروري
|