[عقيد]

مشكلتي يا اخوان هي حمامي الغريب

عندي حمام رقاص وقطيفي وشيرازي وبلجيكي وكنج وفرنسي
الحمام الرقاص يبيض ويفقس واول ما يبدا الريش بالبروز ويبدا الزغلول يمشي شوي يمرض يومين ويموت بدون أي سبب بس لما يموت إلاحظ دمل او حبوب عند عينه وعينه تكون مورمه ويكون فيه كأن الأكل باقي بفمه ما بلعه ويموت.
أما الحمام البلجيكي والفرنسي مشكلته يمكن يتزاوج باليوم خمسين مرة ومن يوم شريتهم ما باضو ولا مرة
والقطيفي يبيض ويترك البيت ويروح ويبني عش جديد ويبيض بعد أسبوع يتركه ويروح يبيض بمكان ثاني
الشيرازي يبيض ويبقى راجن عالبيض إلى ماشاء الله والبيض خربان وهو راجن آخر مرة تركته شهرين وهو يرجن ويقلب البيض ويوم رميت البيض كان فاسد وريحته تموت من الخياس
اما الكنج يتزاوج ويبني عش ويتضارب مع اللي حوله بس لا بيض ولا يحزنون

ايش المشكلة ؟؟؟؟


للمعلومية
الأكل هو المخلوط الممتاز

وتنظيف العشة كل أسبوع

اسبوع ايه واسبوع لا احطلهم أدويه المضادات و الفيتامينات
والعشة على السطح بمكان يجيه الشمس وفيه مكان ظل
أشغلهم مكيف صحراوي وقت الذروة والحر
حاطلهم طشط يسبحون فيه كل ثلاث أيام مرة

يعني عشة خمس نجوم بس صارلي 6 شهور ما طلعلي غير فرخ واحد هو اللي بقى عايش وغلى الآن ما أعرف هو ذكر ولا انثى

أفيدوني يا أخوان