[ipood]

المشاركة الأصلية كتبت بواسطة دحومــي

مرحبا

انا استفدت كثير من الموضوع الاول يعطيكم الف عافيه

وقررت اخذ عمرها شهرين الى ثلاث شهور

اسالتي

1-كيف اعرف ان عمرها من شهرين لثلاث شهور ؟

2-كثير قالو لي لاتشتريها من المحلات المحلات اسعارها غاليه بس المشكله مالقيت احد يبيع قطوه مثل اللي ابيها بحثت بالانترنت وتعبت ولا لقيت ؟ فاوش رايكم بافضل محل موجود بالرياض ؟

3-انتم تدرون اني مبتدى بالتربيه ومحتار اخذ اي نوع بس النوع الوحيد اللي مااعجبني هو البلدي لقله شعره وانا ابي شعره مايكون كثير ولا قليل

هاذي مجموعه صور جبتهم من النت فيعني ياليت اذا تعرف انواعهم قولو لي كل وحده ونوعها ؟

وافضل نوع لي انا كمبتدى يعني تكون تربيته سهله ؟











فاوش رايكم بافضل نوع واذا فيه انواع ثانيه افضل من هذولي ياليت تذكرونها مع صوره لشكل القطوه

وكم راح تكلفني حوالي .؟

سؤالي الاخر

بخصوص الشور ( الاستحمام ) كل كم يوم احممها ؟

وبالنسبه للشامبو من وين اشتريه ؟

واستعمل لها شمبو واحد بس يعني مافيه شمبو مثلاً للاقدام او للوجهه او كذا ؟

وماافضل طريقه للاستحمم احطها في بانيو ولا كيف بالضبط ؟

واخيراً

بالنسبه للطعام ماافضل طعام للي عمره شهرين او ثلاث شهور ؟

وكل يوم احط لها اكل مره وحده بس ؟

مافيه اكل جانبي عني مثل الشوكلاته عندنا وكذا ؟

بالنسبه للحمام اذا بغت تقضي حاجتها وش افضل نوع تراب اشتريه لها وبكم سعره ؟

وكل كم يوم اغير التراب ؟

وبس الله يعطيكم الف عافيه

وانتظروني في الجزء الثالث <<< الله يعينكم عليه

كيف اعرف ان عمرها من شهرين لثلاث شهور ؟
يكون شكلهآ سغنتووتي.

-كثير قالو لي لاتشتريها من المحلات المحلات اسعارها غاليه بس المشكله مالقيت احد يبيع قطوه مثل اللي ابيها بحثت بالانترنت وتعبت ولا لقيت ؟ فاوش رايكم بافضل محل موجود بالرياض ؟

المحلآت صح إنها غاليه وسبب غلآهم يطلعون ايجار المحل ف المنتديات ارخص بكثير ومضمونه
واحلآ محل اظن ارسلت لك قبل
وافضل نوع لي انا كمبتدى يعني تكون تربيته سهله ؟

الامريكي تربيته سهله جداً وممتعه وشكله حلوو مره
الصوره الاولا امريكي لكن قصير الذيل
وافضل نوع من وجهة نظري الشيرازي وعاجبني حيل وان شاءالله بشتريه لكن ماينفع لك كمبتدئ تربيته صعبه نوعاً مآ والصوره الثانيه شيرازي
والباقيات متردده وماني حابه اعطيك معلومه مو متأكده منها .
الامريكي مره شريت وحده خقق ب500 واختي مره شرت احلا منها بمليون مره ب700 او 800

بخصوص الاستحمام
كل اسبوع او اسبوعين
وتحت شهرين لا تكثر من تحميمها

وبالنسبه للشامبو
تقدر تستخدم شامبو اطفال جونسون
[IMG][/IMG]
عندك الادوات اللي موجوده بالصور مثل(شامبو اطفال,منشفه,منشفه صغيره لمسح الرأس فيها,وكوب لسكب الماء من فوقها)

-وهنا بانيو اطفال تقدر تستخدمه للشاور
[IMG][/IMG]

لأ ماتستخدم الا شآمبـو وآحد.

والطعام افضل نوع الدراي فوود
[IMG][/IMG]

للكيتن تقريباً 4 او 5 مرآت في اليوم .

أما بالنسبه لليتر بوكس افضل نوع توماس
[IMG][/IMG]

تغير بالمجرفه 3 او 4 مرات باليوم
اما التراب كل اسبوع .
وشكراً
لأ بالعكس يسعدني اني افيد الاعضاء ولو بالقليل,وهذا قسم الاسئله يعني مافي مانع الخبير يعلم المبتدئ والكل في الكل