[هكذا اذن]

المشاركة الأصلية كتبت بواسطة ipood

هلا وغلاـلا
انا قريب بشتري قطــوه بأذن الله
1- وش يلزمني من اغراض للقطوه الشيرازيه ان شاءالله
2-كيف افحص القطوه قبل الشراء
3-نصائح في تربية قطوه حلوه ونشيطه ولعوبه
وشكـراً ابي ردودكم الحــــلوهـ

اولا الافضل تاخذي قطه عمرها ثلاث شهور ، تكون تعرف الحمام واليفه شوي واشتريها من شخص مربي قطط،،او محل موثوق فيه ميه بالميه،،

تاكدي وانتي تشتري القط انه داخل الاذن مافي لون اسود نظيف ( واسوداد الاذن دلاله على وجود حشرات بس ما تنتقل للانسان)

تاكدي من العيون نظيفه ما تدمع او فيها افرازات،،

تاكدي من انه القطه ما تحك نفسها وايد (كثره الحكه دليل على وجود حشرات وهاذي تضر الانسان)

يفضل تروحي الصبح تشتريها عشان تتاكدي من نشاطها وتاخذيها على طول للبيطري يجيك على كامل،،

الاغراض :

بتحتاجين مشط
العاب
بانيو صغير
شامبو
منشفه
سيشوار صغير
الصحون واحد للماي وواحد للاكل
بيت صغير
قفص صغير
رمل الحمام
اكياس عشان تنظفي الحمام
صحن للحمام
ومعطر جو احتياط اذا في ريحه عند الحمام قويه


نصائحي:

اكليهم اكل طبيعي
الاكل المعلب يمرض القطو

اول اايام بيكون خايف وما بيتاقلم فلا تستعجلي
اذا بتاخذي ذكر ما تكثري اكل جاف لانه يتكون عنده حصى ،،

والله يوفقج