[Musab Pro]

اخي الكريم .. هذا التدريب يحتاج صبر و متابعه شديده .


سر هذا التدريب يكمن في معرفة اوقات قضاء الحاجه .. يعني ما يصير تحط له اكل وتمشي

وترجع بعد ٣ ساعات وتقول انه ما سواها بالمكان اللي ابيه !! .

ترقب الاوقات اللي ممكن يعملها .. بعد الاكل مباشره .. بعد اللعب .. اول ما تطلعه من بيته

احتمال كبير انه يتبول ..

حط لك علامه واضحه .. مثلا حجر واصبغه لون فاقع او عمود او اي شي .

وبعد الاكل مباشره اربط ليش بالكلب وخل عينك عليه .

اول ما تشوفه يشم الارض .. على طول خذ الليش وروح للمكان اللي انت تبيه (اللي سوينا فيه علامه )

وقوله امر مثلا .. (بييي بييي) اثناء ماهو يسويها ..

واذا خلص امدحه وامسح عليه واعطه مكافئه ..

لا تغيب عنه فترات طويله .. لازم تمر عليه على الاقل كل ٦ ساعات

وتحط له وجبه صغيره وبعد ما يخلصها تربط الليش وتنتضر الى ان يبدا يبحث عن

مكان لقضاء الحاجه .. على طووول خذ الليش و وده للمكان اللي انت تريده.

وان شاء الله بهذه الطريقه ما راح تعطيه مجال يسويها باي مكان ثاني .