[QaTaR-]

السلام عليكم ورحمة الله وبركاته

اولا اهنئكم على هالمنتدى الرائع

ثانيا

انا توني اخذت كاسكو جامبو عمره على كلام المحل 5 شهور وياكل لحاله وفالحجل مكتوب رقم 10
عينه لونها رمادي والحمدلله ما عانيت من الجعير ابداً

طبعا بما اني احب الحيوانات حاولت اتقرب منه شوي شوي وحسيته بيعضني وقلت معليه شوي وبيتعود علي
عضته فالبدايه كانت خفيفه وما كانت بدافع الدفاع
وما كان يطلع معاي على اليد وكنت اقدمله الأكل بيدي

المشكله هنا بديت اعطيه حب شمسي واشوفه يقشره ويكسر الحبه ويقطها وياخذ غيرها
قلت بغير بعطيه تفاحه ونفس الموضوع يقطع منها ويقطعها ويقطها
عطيته برتقال ونفس الموضوع

بس من بعدها خليته ربع ساعه واول ما رجعت له وشافني قام يطلع اصوات ويتحرك فالقفص
ولما اقرب منه يقرب مني فتحت له القفص وقربت يدي وتم يعض فيها شوي شوي وحاولت اطلعه على يدي واردد كلمة تعال
طلع على يدي بعد معاناة دامت 10 دقايق بس مش متوازن ويكفخ بجنحانه وهاذي المشكله الثانيه

خليته فالقفص وقعدت قدامه لقيته يلعب بريشه شوي الا قطع ريشه من ذيله قهرني هالشي وبغيت تفسير لهالموضوع

ياليت القى عندكم الحل

وحاليا اناديه (وحش) ما لقيت اسم ثاني