السلام عليكم و رحمة الله و بركاته ..
اخواني بدون مقدمات عندي كم سؤال عن الثعابين ..
ان شاء الله لي نية بشراء ثعباان و ما اعرف احد قد ربى ثعابين قبل .. عشان كذا ما عندي خبره فيهم
مرحبا اختي وانا من مربي الثعابين وبأذن الله اجاوبك بالي اعرفه .
اول: شي قريت انه لازم ياكل فار كل اسبوع .. طيب ايش ياكل بعد لان ما اقدر اروح للمحل كل اسبوع اجيب فار و ما اقدر اربي فيران عندي .. فاتمنى تقولون لي ايش الاكل الي اقدر اقدمه
شوفي اختي الثعبان ياكل من 5 ايام الى 7 ايام بين كل وجبه و وجبه .
وانتي بتلاحضين اذا جاع سوف يبداء بالبحث والتحرك عن الأكل وهذا الشيء راح تعرفينه لما تربينه .
وبخصوص الأكل ممكن هذا يتوقف على حجم الثعبان الذي سوف تملكينه .
بس انتي بدك شيء صغير الحجم وعلى مستوى الفأران ممكن تربين هامسترات من النوع الروسي .
ثانيا: ممكن يسبب اذى للقطط ؟؟ .. لان عندي بسة و اخاف يأذيهاا ؟؟
ما اضن اذا الثعبان من النوع الغير السام وصغير الحجم .
ثالثا: تتفاوت اسعار الثعابين بين كم و كم ؟؟
والله يأختي في من الـ 400 ريال ومافوق على حسب البائع والمنتج والنوع طبعاً .
رابعا: لازم ينام بمكان خاص ولا عادي يجلس عالارض بدون قفص ولا شي ؟؟
طبعاً لازم مكان خاص لان المكان تبعه يتطلب نظافه وجو استوائي ورطب .
ليساعد الثعبان على التبديل .
وبرضو يحتاج الدفىء لان الثعابين معروف عنها من ذوات الدم البارد .
وانا كنت الجأ لجهاز التدفئة في الغرفه .
اخيرا: ايش افضل انواع الثعابين (انا ابغا واحد صغير لان ما احب الي يجون كبار و طوال بزيادة) و ايش احسن انثى او ذكر
والله اختي انا بالنسبة لي انصحك بـ الأصلات والبؤه .
ومن ناحية الذكر والأنثى ماتفرق الا اذا انتي ناوية على الأنتاج ممن الأنثى .
و شكرااا 