[elnoon]

المشاركة الأصلية كتبت بواسطة سكون الليل

السلام عليكم ورحمه الله وبركاته <====== ردوا السلام

ياجماعة الخير

ابو الشباب الافريقي له اكثر من شهر عندي ياكل من يدي عادي ولا عاد يجعر علي ابد و لا يحذف الاكل المس رجله يحاول يتهرب و هذا خاصه اذا كان داخل القفص

طيرك أليف وحبوب بس خااايف ,, اصبر عليه توه شهر


و يقلد صوت القطو خاصه بالليل اذا كان النور طافي او اذا كان ماعنده احد واذا شاف نفسه ع المرايه يتمتم بينه و بين نفسه .


ماشاء الله عليه ,, طير ممتاز يتكلم ,, ضمنت انه يقلد وهاي اهم نقطه والكاسكو معروف انه خجول لو الطير معاك عشر سنين يبقى خجول مايتكلم جدام اي شخص غريب ,, الا بالتعليم الصحيح يتعلم الجرأة

بس مشكلته مشكله قاهرني ودي ارميه بالكسر=====> نوع من انواع البواريد

1- مايصفر ابد و حنا عنده ما غير يرفر و يزمجر بيه و بين نفسه من يقرب من احد .

خايف منكم + يستحي بعده

2- تفاجأت به يقلد صوت البلابل يوم سمع صوت طيور ع اليوتوب قام يبدع بالاصوات .

فوق الممتاز ,,

3 - عنده خوف شديد جدا جدا جدا من يشوف احد قام و مر من جنه يتفرفر وحتى هو داخل القفص او اذا كان فوقه تحسه يلعب كوره و يراوغ
قسم اني صرت اسمي عليه

عادي جدا ,, خااايف لانه يديد ,, ما تعود على شي اسمه بشر.. في هاللحظه انت قرب صوبه راح يحس بالامان وهو بيتحرك من نفسه يوقف صوبك عشان تحميه

4- مايرضى يخلني المس اي جزء بجسمه غير رجله لا و وحده فقط و اذا حاولت اقرب له يب يعض

يخوفك بمحاوله العض ,, يجرب عليك اذا حال يعضك بتبعد او لا ,, اذا ابتعدت بيكبر راسه عليك
المدربين يتحملون العض ,, يعني بيح ايده وبيعضه الطير لكن بيعاند ومابيخوز ايده فالطير بيحس نفسه خسر المعركه وبيستسلم ^^

شسوي له ابيعه او اصبر عليه

لا تبيعه ,, مب اي كاسكو يقلد صوت من مره وحده تقول سمع اليوتيوب وقلد!! حرام تبيعه
اذا تعقد ونتف ريشه بتكون انت السبب تغير مكانه ,, اصبر عليه ,, طير برئ مب فاهم عليك تحمله ^^

عمره سنتين و الطير حرك ماشاء الله تبارك الله و تحسه ذكي بس مسكر الباب على نفسه

صدقني راح تندم لو بعته ,, اصبر وتحمل وبتشوف النتايج

انا اخر طير شريته امزوني من ثلاث شهور واذكى الانواع وبعده ماتكلم ومستحيل ابيعه
الصبر زين

اتمنالك التوفيق ^^