[GmC77]

السلام عليكم ورحمة الله

بحكم دراستي في الرياض, أشوّط كل اسبوع بينها وبين الدمام, راااايح جااااي سكّر وشاي

وغالبا اذا اعجبني منظر في الطريق (حادث مثلا) فلا أمانع في التوقف ولو لثواني اشباعا لعاطفة اللقافه

قبل كم يوم وفي رجعتي من الرياض لمحت مجرى السيل, و للأسف كان شبه جاف بس فيه "نقع" أو بحيرات صغار, وقفت على جنب ورحت اتفرج على المناظر الخلابة




واستغربت لما شفت أشياء صغيرة تتحرك وسط الماء, أثاريه مليان موب بس شوي




وبحكم اللقافة مسكت بعضها وصوّرتها



لاحظت أنها تحاول تحفر على اطراف الحيرات, لذلك أعتقد انها من النوع اللي يموت "تقنيا" في الصيف ويرجع الى الحياة في الشتاء مثل بعض أنواع الضفادع وعكس بعض أنواع الجراد....


وبعد الفلسفة أترك لكم التعليق ويا ليت اللي عنده معلومات عنها يفيدنا