[جداااوي]

هلا بيك يا غالي ومبروك عليك الطير
او شي يا غالي الطير زي ما قال لك الأخ يفطم من عمر 6 الى 7 اشهر
ولو تبغى تفطمه بدري حاول انو يشجعه على الأكل بنفسه يعني تحط له شويه اكل بس ما يكون من القوي او الناشف لانو تخنق الفرخ وما تنهضم معاه
يعني اطرح له بطاطس مسلوقه في الصندوق يتلسلى بيها بس مو تخليها على طول عنده لانو بياكل فيها حتى وهو شبعان وبخصوص انو انت توقف تأكله فهادي صعبه شويه توقف فجأه لا ابدأ بالتدريج يعني انت في اليوم كامل تعطيه من 4 الى 5 وجبات بتقل وتصير 3 وجبات في اليوم
وزي كدا حبه حبه
اللين تصير وجبه في اليوم وبعده نص وجبه في اليوم
الى ان تشوف الطير يرفض ياكل من الأسبرنجه ( الأبره )

وبخصوص الكلام الطير وانت تلاعبه قله كلام يكون سهل عليه وهو رح يبدأ يتجاوب معاك ومن عمر 6 اشهر يبدأ الطير يفتح مخه معاك ويركز في اللي تقوله له ويحاول يردد وحبه حبه رح يكون ما شاء الله تبارك الرحمن طير ناطق بطلاقه ويتعود انو ينقط الكلمه بسرعه


اما عن قص الأضافر يا غالي الطير باقي صغير على القص ما انصحك فيها اللين يصير عمره 7 او 8 اشهر
لانو العمر هادا اللي عندك بيكون ضفره بافي مو قوى بيكون عباره عن الياف واعصاب فالقص في العمر هادا رح يسبب له مشكله كبيره

وموفق في الطير يا غالي


اه على فكره يا غالي حاول انو تامن مكان دافي جدا للطير وما تمسكه كتير الا وقت الأطعام فقط
لانو حساس جدا جدا

بالتوفيق