[مدربة مبتدئة]

مرااااااااااااااااحب


بصراحه لي فتره اتجول بالمنتدى خصوصا بهاذا القسم


حتى اتمكن من ترويض الزوج الي عندي ( الذكر - رمادي عادي)&( الانثى - لوتينو )


الانثى خوافه لدرجه لاقربت جمبها ترجع لوراى << انا يوم شفتها ماصدقت

بس تطلع على اليد من باب الخوف عد للـ4 الا وهي تهرب

والذكر عنيد وجريئ وملقوووووووووووووووف ويستمتع بعض الاصابع


من باب التغير طلعتهم من الغرفه لان الجو هااااااااااااااااااادي جدا وملل وانقهرت يوم

فحطت باليوتيوب ولقيت الطيور تغني وترقص وتلعب والي عندي الله يخلف

يا يقطعون الاسلاك !! يا يخربون الاكسسوارات او يخربون الملابس وان خربوها كلو عمود الخشب بالقفص

طلعتهم معي للصاله بستخدام القفازات لفتره ساعه الى ساعه ونص

شوي والذكر متغير عليه الوضع والانثى بعد قلت حلو خلني اجرب

جلستهم جمبي وجلسنا نفرفر باليوتيوب على مقاطع التغريد واللعب

والحمدلله تحمسوا والذكر صار يغرد ( رقصه التزاوج )

واشيل القفازات واحاول اركب الذكر على يدي والحمدلله والشكر

طبعا بعد كم عضة وكم كلمه حلوه طلع على يدي

من زود الحماس خليته يطلع على يدي بشكل الدرج يعني امرر يدي تحته يد ورى يد بشكل مستمر

والحين صار يركب بشرط لازم كلمه حلوه ولا مايمشي

بس الى الان ماتمكنت من حك راسه بدون قفاز

وللاسف حتى الانثى مازالت ترفض هالشي

من ناحيه التزاوج اظنهم صغار بس اشوف الذكر يرغد ويرقص للتزاوج

والانثى بعد تنخفض له وزي كذا بس ماقدر شفتهم يتزاوجون ابدا ً

كان فيه محاولات بس الانثى تخاف من صعود الذكر وتهرب منه !!!

وفيه عندي بنفس القفص ازواج بالغين يتزاوجون قدامهم بكل وقت بس بدون بيض

ومدري ياخوان هل يشترط وجود نشاره الخشب بالعش؟؟

لانه ماهو متوفر عندي مجرد سعف النخل ( الخوص ) اقدر استخدمه بدل النشارة ؟؟

وهل جمع 4 طيور بمكان واحد صحيح ؟ كلهم ازواج

( لوتينو + رمادي ) ( الذكر رمادي عادي - رماديه انتاج مزارع ) << غير متدرب

وانا الاحظ فرق الحجم بين الزوجين يخنلف _ ممكن لاختلاف نوع الانتاج

الجوز الرمادي لهم الحجم الاكبر طبعا ً الانثى تركب على اليد وطبعا مع شويه ختوم ( عض )

وحاليا اهتمامي يصب على الجوز الصغير لانهم ملكي واصغر عمر ولهم سنه تقريبا معي

وياكلون من اليد في حاله الجوع والعطش لاكنهم مع ذالك متعودين علي

واما الجوز الثاني للوالد رماهم علي بحكم ان اكلهم واحد وشربهم واحد

ملاحظة : الجوز الصغير يتلاطفون و يرتبون بعض لاكن مايحصل تزاوج !!؟

بينما الجوز الرمادي عصبيين ولا يتلاطفون ابدا لاكن يحصل تزاوج !!؟


ادري لحست مخكم بموضوعي والسبب اني انا بعد ملحوس مخي بهالتجربه مع طيوري


انتظر نصائحكم واجوبتكم على استفساراتي وتعلقيكم على محاولاتي