[صمت الأمل]

وعليكم السلام ورحمة اللهـ وبركاتهـ ..


مافيهـ أفضل من تربية الحمام لزغاليلهم ,, لأن المواد والأكل اللي في معدتهم ويعطوهـ زغلولهم تكون من أفضل المواد المغذيهـ لهـ .


ممكن تمر عليكـ أيام تحتاج تأكل زغلول يتيم أو ضائع .. وفيهـ طريقهـ سهلهـ وممتازهـ لإطعامها ,,


وتربيتها والإعتناء بها من أجمل التجارب اللي تمر على المربي .


شوف هالمقطع من يوتيوب جدا مفيد :




هي قطعت راس السرنجهـ وسكرت الفتحهـ بقفاز او بالون أو قماش ,, وسوت فتحهـ بالنص عشان يدخل منقار الزغلول فقط بدون ماتفتح منقارهـ بالإجبار .


وهنا عمرهم جدا حلو للمبتدئ ,, لكن طريقتهـ في اطعامهم عنيفهـ شوي :





طبعا من أهم الشروط ان الزغلول يكون معزول عن باقي الحمام .. علشان ماينقرهـ الحمام البالغ ويقتلهـ ..


أما في أي عمر ؟؟ أنا ما أخذت زغاليل من أهلهم وربيتهم .. أربي فقط اليتيم منها ,, فما أدري بأي عمر يكونوا .


أتوقع تكون بعمر 10 أيام الى اسبوعين ,, أو اذا شفت ان الزغلول صار يميز وبدأ يطلع فيهـ الريش ونشيط ويتحركـ .


والأكل لازم يكون دافئ ,, ماينفع تعطيهـ شيء بارد أو حار جدا ,, عطهـ أحيانا شوي سيريلاكـ مخلوط بحبوب الطيور المغردهـ ,, أو عطهـ شوفان أو رز بعد ماتغسلهـ من الدهون والبهارات وتمرسهـ شوي ..


أحيانا كنت أحب أعطيهـ باقي من خضار السلطهـ وأفرمها فرم نااااعم .. وأخلطهـ بشوي رز عشان يتماسكـ ,, ولاتنسى تعطيهم شوي ماء الى ان يعتمد على نفسهـ .


وبعد ماياكل لازم تنظفهـ من بقايا الأكل ,, ولازم تأكلهـ وتكون حوصلتهـ مليانهـ دائما ..


انتبهـ تنساهـ كم من ساعهـ بدون إطعام وينتهي الأكل بحوصلتهـ والا راح يضعف ويموت .


ان شاء اللهـ تستمتع بهالتجربهـ ,, لكن بما انكـ مبتدئ أنصحكـ تاخذ كبير شوي ويتحمل مو صغير وضعيف .


وبشرنا بالنتائج ,, بالتوفيق .