[أم القطاويط]

عادي يعني ليش تقول بيصير مشاكل في البيت
خليهم في الحوش مثلا في مكان دافي ومعزول
على الاقل في كرتون فيه فوطة قديمة بتجلس فيه الام وعيالها
ومابيكلفوا عليك بالاكل مجرد يرضعوا من امهم في البداية
وامهم اعطيها من اكل البيت او خلي احد بعد مايخلص الاكل يحط لها البقايا
وإذا ماعطيتها اكل بتعتمد على روحها وبتطلع تجيب لنفسها اكل من برا
والقطط الصغيرة ياحلاتها ماتسوي مشاكل ولا ازعاج ويمكن ماتجيب درزن يمكن بس 2
وامهم بتهتم فيهم احسن اهتمام
والله رحيم ماينسى عباده وهو اللي بيرزقهم ويحفظهم

قدامك حلين فقط:
1-ياأما تتركهم في حالهم وتخليهم في الحوش وهم يدبروا نفسهم
2-يااما توديهم لأحد أو صاحب مزرعة أو مهتم بالحيوانات

وانسى الاجهاض حرام عليك تقتل انفس بريئة
ويمكن تتأذى القطة الحامل من الاجهاض وتموت

أصلاً القطط ساعات تدخل البيت وتنخش في الحوش
وتولد واهل البيت مايدروا عنها من كثرة هدوئها
كثير تصير ا تجي قطة حامل وتولد ولا احد يحس فيها من الناس

انت فكر بهدوء واسترخي وبتلقى حل ان شاء الله
والله يفرج عليك