[صمت الأمل]

وعليكم السلام ورحمة اللهـ وبركاتهـ ..



أول شيء أحب نرحب فيكـ بهالمنتدى ..



أهلا وسهلا فيييييكـ ,, ان شاء اللهـ نفيد وتستفيد ..



وألف مبروكـ على هالدجاج ,, ان شاء اللهـ ماتشوف منهـ الا كل الخير .



والعشهـ ماشاء اللهـ تباركـ اللهـ .. نظيفهـ وحلوهـ ومنظمهـ .. لكن للأسف ناقصها شيء واحد فقط ..!!



باقي اللهـ يسلمكـ تشبكـ لهم تلفزيون على الدش مباشرهـ عشان يتسلون .. ولاتنسى قناة ناشونال جيوجرافيكـ ..!!



ترى أمزح معكـ ,,



وبخصوص البيضهـ اذا هي استمرت بحضنها أكثر من 3 أيام فهي بإذن اللهـ ناويهـ ترجن أو تركـ أو ترقد على البيض .



وترى الدجاج يحب يجلس في المكان اللي يبيض فيهـ ,, او يستريح بعد مايبيض ,, فلاتتفائل كثير ثم تتحطم ..!!



لكن أنت استمر بمراقبتها .. وحاول مايكون فيهـ أحد يزعجها كثير ..



وأيضا اذا تقدر تزيد التبن على مكان جلوسها ,, لأن أخاف مايكون كافي وتسببت الأرضيهـ بكسر البيضهـ وتتفادى هالكسر في البيضات القادمهـ .



واذا لاحظت ان الدجاجهـ مصممهـ على الرجن فلازم تاخذ بيض ملقح من شخص ثقهـ ..!!



حاليا لازم تنتظر ,, ونشوف مع مرور الأيام ..!!



واذا احتجت بيض مخصب وماتعرف أحد قول لي عشان أرسل لكـ رابط موقع ممتاز لبيع البيض المخصب .



وأي اسألهـ أخرى تفضل بطرحها .



في أمان اللهـ .