[ميجر]

عندي ريد أوسكار و هو نوع محسن و ليس مهجن على حسب كلام دكتور خالد ..

و لون جسمه أحمر كامل و راسه رصاصي ..

المهم .. عدنا في الإمارات 5 جـــوبي بـــ10 دراهم ..

اشتريت 5 جوبي .. و حطيتهم في بما يسمى الحوض المعلق .. في حوض الأوسكار..

و بعدين سرت أنام و قلت بوكره أروح أطعم الأوسكار و التي تسمى ( الفريسه الحيه )

نهضت الصبح من النوم و رحت أشوف الأوسكار .. و حصــــــل ما لم يخطر على البال ..

حاولت أحمل الحوض المعلق الصغير تبع الجوبي من حوض الأوسكار و ..و ...و ,..؟

طاح الحوض المعلق في حوض الأوسكار و فجأه أشوف الأوسكار كأنها شربت مشروب طاقه و منشط ..

أشوفها تلحق الجوبي و تاكلهم وحده ورا الثانيه .. إلا وحده كان لونها احمر .. ما كلتها ..

ليش لا أعرف .. سؤال حيرني .. و من العجب ما قدرت اني أفوت ثانيه حتى أجيب الكاميرا ..

و بقيت أشاهد .. حتى مليت .. ولكن الملل لم يستمر لأن الأوسكار بدت تلاحق الجوبي الأحمر..

وتلاحق ... تلاحق .. تلاحق .......

أنا الصراحه انذهلت من سرعة الجوبي

ولكن سرعان ما انحصرت الجوبي في الزاويه و اتشوف الأوسكار تشن هجوم كامل على الزاويه...

و اتشوف الجوبي بسرعة البرق .. تناور بين زعانف الأوسكار ..

فعرفت أن الجوبي متمسك بالحياه فشليـــته بالشبكــه و حطيـــته في حوض بروحه ..

و إلى الآن,,, الجوبي التنين كما أسميته .. ما زال يمرح و يسرح في حوضه الجديد ..

مــــــع أني أحس أن هــــــــــــــناك سر ...غــــــــــــــــــــــــــــــــامض