|
رد: ياريت الي عندهم خبرة بالبتات والحمل
بسم الله الرحمن الرحيم
مبروك اخوي على النثيه اولاً و مبروك على الحمل ثانياً  و ثالثاً راح اقولك شلون تتعامل مع النثيه الحامل :
اخوي اجمل كلاب البتبول الي يجونك اقزام و قصار القامه و سبحان الله اكثر بطن يكون فيهم يعني اخوي لو بطنها منتفخ واجد اقولك توقع في بطنها من 7 الى 13 جرو ..
اخوي اهم اشياء تسويها للنثيه :
1- بعدها عن اي مكان يكون قريب من الكلاب الثانيه يعني مكان يكون هادي ولا فيه ازعاج لان البتبول اذا حست ان فيه كلاب ثانيه في المنطقه ما تأمن على عيالها و تقوم تذبحهم من كثر ماهي خايفه عليهم .
2- المكان الجديد لازم يكون نظيف و دافي .
3- تزيد لها الاكل و الشرب عشان تتغذى .
4- تحط لها مرتبه مريحه يعني قطعة قماش في صندوق او سجاده لينه الخ .. .
5- تمشي الكلبه على الاقل 15 دقيقه في اليوم و تحاول انك تختلط معاها و تعطيها الامان يعني تعودها عليك و انصحك تطلعها في اوقات تكون الشمس فيها طالعه عشان الشمس زينه لها .
6- اذا كانت من النوع الي كله يطامر و يناقز انصحك تربطها بسلسله داخل الغرفه الي هي فيها عشان لا تسقط الي في بطنها .
7- اذا ولدة الكلبه ابيك تكون قريب منها و تطالعها و تراقب تصرفاتها و تشوفها اذا تقدر ترعي كل عيالها او لا .
هذا بالمختصر المفيد اخوي و انشاء الله اني افدتك ....
تقبل مني اجمل التحيات مع تمنياتي لك بالتوفيق ...
__________________
|