[trend]

السلام عليكم

بصراحة يااخوان عندي اخوي الصغير ازعجني لازم اشريله ببغاء
المهم رحت لمحل طيور
قلت يمكن احصل بالكثير 100ريال

المهم تفاجأت بالأسعار

لقيت واحد قالي هذا 800 ريال
حاولت فيه يمين يسار طيح النص
يعني صار 400ريال

الشاهد

ان الببغاء لونه اخضر منقاره برتقالي ماعليه خط يعني زي الببغاء ابو خط او حلق بالرقبه بس بدون
وكبير شوي يعني اصغر من الحمامه شوي
بصراحة اخوي مل منه لأنه غير اليف
وصارله شهر هالحين
ماغير ياكل وينام
على قل سنع
والمشكلة اي واحد يقرب له ينحاش اما يطلع فوق القفص او ينزل او يروح يمين او شمال مايركد ابد

الرجال قالي يتكلم بس خوينا يطلع صفير مزعج خصوصا الفجر او اذا سمع اصوات عصافير

نعطيه تباع الشمس
وبعدين فواكه ويحب التفاح والعنب

عطيته فلفل وعرمشه قلت يمكن يضبط لسانه بس ماش

اسمه مااعرفه

بس هو لونه اخضر وفيه صفار داخل اباطه يعني صفار خفيف
بس الغالب اخضر
ومنقاره برتقالي

بس بدون حلق بالرقبه

بصراحه طفشني

لاهو راضي يصير اليف على الأقل ولاهو راضي يتكلم

فسؤالي

وش اسم الببغاء هذا
وهل يتكلم او نسوي عليه كبسه امزح

وشكرا لكم