[eyeweaver]

طبعا يا حضرات.. من العنوان عرفتوا ايه المشكلة اللي عاوز اتكلم عليها.. لأنكم أكيد عانيتوا منها..
بس بالنسبة لي.. دي أول مرة..
قطيطة صغيرة عمرها 7 شهور.. و بدأت أول دورة شبق ليها.. و مش عارفين ننام طول الليل من صراخها..
وديتها لمحل عشان يحطوها مع ذكر.. قالولي لسة صغيرة و خطر عليها الحمل دلوقت..
قلت طب امتى ينفع.. قالولي لما تكمل سنة.. يعني هاضطر استحمل الصريخ ده كمان 5 شهور!!
و انا الحقيقة مش عارف اتصرف ازاي..
حد هنا عنده قطة حملت في السن ده و قابله مشاكل؟
لأني مقتنع ان اذا كان ربنا خلقها و وضع في فطرتها انها تطلب التزاوج في الوقت ده يبقى هي مستعدة لده..
أفيدونا أفادكم الله