قبل شرائك لأي طائر ... بعض الأسئلة
السلام عليكم و رحمة الله و بركاته
اذا كنت بتفكر تشتري ببغاء او اي نوع من انواع الطيور
حاول تفكر و تجاوب علي الأسئلة دي
يمكن تغير رأيك او تتمسك بيه اكتر
هل عندك اي نوع من انواع الحساسية للطيور؟؟
هل عندك استعداد تلتزم بنظام غذائي صحي للطير و لا تبخل عليه من مصاريف ؟؟
هل لو الطائر مرض ، ممكن تاخده للدكتور البيطري في الحال ، رغما عن سخرية البعض من تصرفك ؟؟
هل مستعد تخصص علي الأقل ساعة كل يوم قبل ميعاد الشغل ( و لو مش بتشتغل ، تصحي بدري ) عشان تنظف للطيور و تغير الأكل و تحط له مياة نظيفة؟؟
هل مستعد تخصص من وقتك ساعة على الأقل تانية تلعب و تجلس مع طيرك ؟؟
هل مستعد تخرج طيرك يلعب و يمرح من غير ما تقلق علي الأثاث و عضعضته فيه ؟
هل لو عضك مرة و اتنين و عشرة حتضربه او تتعصب عليه و تطفش منه ؟؟
هل انت من النوع الملول اللي بيزهق بسرعة ، علما ان الببغوات من اكثر الحيوانات المعمرة ما شاء الله؟؟
هل عندك استعداد تغير خططك للسفر في الأجازات و ما تغيب عن البيت مده طويلة بسبب طيورك ؟؟؟
دي معظم النقاط الأساسية اللي لو جاوبت بنعم عليها تبقي مستعد لإقتناء طائر و العناية به
لو جاوبت بالنفي ، تبقي مش مستعد و حرام تعذبه معاك
شكرا
|