[جعفر السامرائي]

بسم الله الرحمن الرحيم
السلام عليكم ورحمة الله
جمعة مباركة على الجميع ان شاء الله
طبعا اليوم رحنا مع اثنين من اخواني الى سوق الغزل
هم واحد اشترى زوج غندور "فيشر" وسمك والثاني اشترى بس سمك
وانا ما شريت شي
طبعا في هذه الاحوال وانا ادور يمين وشمال ضاعت هوية الاحوال المدنية
ودرت السوق كله عليها
بعدين لقيناها في محل ثاني
المهم ما اطول عليكم السالفة
شفت ببغاء غريب لونه احمر هذي صورته طبعا سعره 1000$ .. اليكم الصورة



بعدين شوي تمشينا شفت واحد يبيع ببغاوات سنغالي وعنده واحد امزوني
اعتقد ان نوعه يلو كراون >> مو متأكد
واليكم الصور وكم تقدرون عمره ؟ وهل تنصحوني بشراءه ؟ يريد يبيعه بسعر بين 300$ و 350$





طبعا واضح على الطير انه ليس بوضعية جيدة .. مافي اهتمام له ابدا ابدا

صاحبه يقول انه عمره بين 9 اشهر الى 11 شهر !! انا ما اعرف بشغلة العمر بالامزوني .. نستفيد من اهل الخبرة

على كل ما هو نوع هذا الاموني وما هي مميزاته وسلبياته وكم هو عمره .. وهل تنصحوني بشراءه ام لا ؟

سارعوا في الرد بارك الله فيكم
لان احتمال كبير ان بكرة هالطير ينباع
وبصعوبة الامزوني يتحصل في بغداد

سلامي