[نسايم الليل]

الكروان جدا مسالم لدرجة إن العصافير تهاجمه وهو لا

أنا من سنة تقريبا كان عندي عصفور دوري لقيته في الشارع صغير توه طالع من العش

أخذتها وربيتها مع الكروان إلي عندي ، تخيل العصفورة بعد ما كبرت إشوي بدأت تهاجم الكروان وما تخليه يرتاح حتى في قفصه كانت تترك قفصها وتروح لقفص الكروان وتنازعه على أكله

كان المسكين يترك لها الأكل ويطلع برا القفص ، وإلي يضحكني أكثر إنه يروح ويحبس نفسه في قفصها الصغير

تقوم العصفورة ( وكإنها ماسكها عفريت ) تدخل قفصها وتعضعض في المسكين إلين ما يفر منها هاربا

ووين ما يروح تلاحقه ، لدرجة إني إذا طلعت واحد من القفص أحبس الثاني ، على شان ما تحصل حرب دموية ضحيتها المسكين الكروان

أتوقع بعد كم يوم ، تبدأ البلابل تخانق الكروان وتنازعه على المكان ، ترى الطيور أنانيه ما تحب طيور أخرى تنازعها المكان ، خصوصا في فترة التناسل والتزاوج

فإنتبه على كروانك من بلابلك