[مهندس رامي]

السلام عليكم ورحمة الله وبركاته وبعد
اخواني واخواتي ربي اكرمني واشتريت كاسكو من احد اعضاء المنتدى الكرام وهذي اول تجربة لي في عمري ذا كله في تربية الكاسكو ....... الطير ماشاء الله تبارك الله نشيط جدا وطول وقته ادورفي القفص بحركة دائرية واصفر واطقطق واحيانا اسمعه اتكلم كلام مو واضح وكلمة ياواد تسمعها اذا ركزت في صوته ولما اصفر عاى طول اصفر معاي واحيان لما اشوفنا من بعيد تحسه اصفر وانادي.......
مشكلتي لما اقرب مرة من القفص يعني خلينا نقول بيني وبينه 10 سم مثلا اجعر ولما ادخل اصبعي في القفص او احاول افتح باب القفص اجعر او لما اغير المويه والاكل والغريب انه ماجعر على الاطفال ..... طبعا وايش السوات ....
1/ حاطيطته على ارتفاع 1.5 م تقريبا في زاوية في البيت ايشوف كل شيء وكل صغيرة وكبيرة في البيت ومين جالس ومين ماشي.
2/ارشه مرتين في اليوم ببخاخ ماء
3/احط لابتوبي جنبه واطقطق على النت وماتكلم معاه الا بكلمة ياواد وطبعا مسميه زورو واحيان اصفر معاه .... والاقيه الف في القفص واصفر وماجعر ابدا
4/كلمت عيالي ماحد اتكلم معاه
اخواني واخواتي محتاج نصايحكم بحكم إني لأول مرة في حياتي اربي كاسكو وايش افضل غذاء له وايش الفيتامينات والاغذية الا ممكن اضيفها له وهل طريقتي في التعامل معه جيدة لتخلص من الجعير باذن الله واسف جدا جدا على الاطالة