[milk cat]

اختي مشكلتك مرررره اسهل مني

انا اول كنت زيك امي ما توافق على اي حيوان غير السلاحف و الطيور حتى الطيور ما تحب تقول حرام يموتون بسرعه اول جبت طيور يوم كنت صغيره قعدوا عندنا كم يوم بعدين طلقناهم برا

بس اختي الكبيره كانت مره تبي بسه وريتها صورة بسه بالنت و شجعتني اني اجيبها

بعدين قلت لصديقتي تجيبها لي لان كانت بتشتري هامستر من نفس البنت فراحت و جابت البسه كنت مرره خايفه امي تهاوش او تسوي شي

عاد رحت لامي جبت القفص عندها و انا اضحك و هي مستغربه و مرتاعه و تضحك بس تحاول ما تضحك و تسوي نفسها معصبه خخخخخ

عاد كانت كيوت المهم كنا بنروح بيت جدتي فـامي قالت لي ودك تاخذينها عند جدتك .. انا طرت من الفرحه ايييييه

..... المهم مرت الايام و امي تقولي ما ودك تطلعينها و مدري وشو بعدين تقولي انا بشتريها منك بعدين بتطلعها برا بس انا عييت

المهم البسه طاحت من الدرج و وديناها للبيطري على طول عند واحة الحيوان و اخذ فلوس الكشف و هو يقول لا ما فيها شي سليمه حتى ما عطانا دوا و لا شي

بعدين مرت الايام و صارت تعرج بقوووه و ما تقدر تمشي زين و تطلع برا الليتر بوكس و اهلي قالوا لي طلعيها الحييين .. طبعا انا مره عييت بس هم طلعوها بدون ما ادري و شكله هرب و ما عاد شفته

من بعد ذاك اليوم و اهلي كلهم ما يبون اي حيوان ثاني حتى السلحفاة صاروا يقولون لا .. المهم صديقتي ولدت عندها البسه و قالت لي عنهم انهم قلق و مدري وشو و كل ما طلعتهم للحوش يرجعون قلت لها عطيني اياهم انا اخذهم .. عاد هي عطتني 3 كتنز و يوم رجعت من المدرسه اخذت القفص و لى غرفتي بدون محد يشوفني الى ما كشفوني و قالوا لي اطلعهم و رحت عرضتهم للتبني و وديتهم

بعدين خلاص تعودت اجيب حيوانات .. جبت زياده 3 هامسترات بدون ما يدرون و بستين مع بعض و طبعا وديت الهامستر بس البسس مره عييت و خليتهم بالحوش و انا ادخلهم للبيت احيانا و صاروا يتعودون يدخلون لحالهم لبيتنا و على طول على غرفتي و اهلي يقولون طلعيها طلعيها و ما اطلعهم الا اليوم الثاني

المهم الانثى صارت حامل و بعد ما مر شهر من حملها صرت ما اخليها تنام الا جوا غرفتي كل ما قالوا لي طلعيها اقول طيب و يحسبوني طلعتها ... بعد شهر ولدت بستي و محد عرف الى ما تم 5 ايام بعدين قلت خلاص بقولهم

لان الكتنز يماوون كثير و اهلي يدخلون الغرفه احيانا .. فيوم قلت لامي طبعا عصبت و قالت لي اطلعها و انا مصممه ما اطلعها برا خلاص و قلت لها بعدين يموتون و مدري وشو و لا ما اقدر حرام و خلاص اضطروا يخلونها و الحين البسه عندي ووديت البسه الثانيه عشان ما اقدر اخليها جوا البيت و للحين البسه جوا البيت حتى بالسفر اخليها مع الشغاله تهتم فيها و اهلي تعودوا علي يعني ما اتوقع انهم بيستغربون لو جبت اسد بكراا خخخخخ

حتى اني بجيب كلب بعد العيد بدون ما يعرفون و اكيد ما راح يطلعونه لان بكون شاريته من فلوسي و بيكلف اكثر من 4 الاف غير اغراضه فما راح يودونه ان شاء الله

فاختي انا اقول اشتروا بسه صغيره حلوه بيضا او مشمشي او ابي مع رمادي .. يعني الوان حلوه

و قولي لامك انها هديه مثلا او قولي انك شريتيها من فلوسك و ما تقدرين تطلعينها للشارع حرام و مدري وشو

و انتي صوريها صور حلوه و فيديو و هي تلعب و وري امك و ان شاء الله تحبها

لو انك بالرياض كان قدرت اساعدك اكثر يعني بستي بوديها اذا جبت الكلب و ما تعودوا على بعض و اوصلها لمكان قريب من بيتكم او لبيتكم لو كنت اقدر بس للاسف انتي مو بالرياض