|
رد: نــَدِمـْتْ لشرائــهْ
وعليكم السلام ورحمة الله وبركاته
اول شي القطو صغير ويبي له طوولة بال كبدايه عشان امك ماتطرده خليه بغرفتك وجيب الليتربوكس وخليه بالغرفه وافرش تحتها سفره او سجاده خفيفه(تقدرتبدلها) لو توسخت خلي القطو بالغرفه
وانسى شي اسمه حبس بالحمام حرام عليك لاتحبسه
قصر الشعر اللي عند منطقه الاخراج عشان مايلزق فيه شي ويوسخ الدنيا
خلي عنده الاكل والمويه واذا شفته ينونو او يدور حول نفس او كانه يحفر على طول شيله وعالليتربوكس ولما يعملها امسك يده وخليه يدفن وكل ماتاكله شيله وعالليتربوكس مع الوقت بيتعود ان شاءالله
ولو عملها عالارض قله لا او غلط بصوت عالي وشممه اللي عمل بعدين شيل اللي عمل وخليه بالليتر وامسك يده وخليه يدفن
واغسل الارض وامسحها بديتول وجيب بخاخ وخلي فيه مويه وعصير ليمون ورشه عالمكان اللي عمل
خلصنا من الليتربوكس نجي للاسم
اذا جيت عنده دايم امسح راسه وناديه باسمه عند الاكل ناديه باسمه وخليه ياكل وامسح راسه وقوله اسمه مع الوقت بيتعود لانه صغنون بهالعمر همهم اللعب
الاكل كل الصغار اكلهم قليل مو كثير ويحبون يلعبون ويرجعون ياكلون انت اعطيه وجبه كل 5 او 4 ساعات ونوع له وذوقه اول شي بيدك بعدين خليه ياكل من الصحن
نجي للاظافر خليه اذا نام عشان مايتحرك وتقص غلط او لفه بمنشفه وطلع يده بعدها اضغط عاليد راح يطلع لك الظفر قص الجزء الابيض فقط الوردي بيوجع وشوي واجيب لك روابط عن قص الظفر
العيون بلل قطنه بمويه دافيه وامسحهم كل يوم
__________________
حسبي الله لااله الاهو عليه توكلت
|