|
رد: كيف تعرف شخصية قطك وشعوره اتجاهك ؟
واااااااااااااااااااااااااااااااااااااااااااو
صج صج الموضوع روعة ما اجاملج
آنه ألاحظ هالمشاعر عند دومينيك بوضوح
" لمكان الإقامة أهمية كبيرة لحياة القط ... فقد يعيش القط في بيت ملئ بالتحف والأثاث الفخم مما يعرض القط للصراخ والغضب عليه عند كسر أي شيء ... فيجعل من حركة القط محصورة في مناطق معينة .. مما يجعل القط كسولا بعض الشيء .. والصراخ المستمر ينمي شعور الانتقام في القط ... فقد يختبئ ويهاجم فجأة ( قد يكون الأمر مضحكا ) لكن بالنسبة للقط فهو انتقام فعلي ."
صح
خصوصا لما يكون معصب أو أحد مصرخ عليه يقعد على الزولية ويشمخها لما يطلع حرته بعد عمري ( ما يعضنا ولا يشمخنا إلا إذا اختي طقته أو تحرشت فيه - أكثر وحدة تحصل شموخ منه - ) 
قلعتها تستاهل
ولما يبي يلعب حبيب يكون مستااااااااانس وعيونه تصير برتقالية ( تشب )
احنا نلعب معاه صادوه صادوه
نطالعه ونييله شوي شوي ونصرخ " صادوه صادوه صادوه "ونركض وراه ينط يركض ويقعد مكان ثاني ويسجد ويحرك مؤخرته يمين وشمال ويطالعنا ينطر نصرخ مرة ثانية وبس نتحرك يركض جنا اهبل 
مو يقولون القطو لما يكون مرتاح من أهل البيت يمشي ويرفع ذيله : الحمدلله دومينيك مرتاح حده لأنه على طول رافع ذيله لما يمشي
بعد شيبي مسوينه يادهينة لا تنكتين
" ألعاب قد تساعد القط على زيادة نشاطه :
1-الدمى الصغيرة
2-المدليات والتعاليق
3-السلاسل والإكسسوار
4-أي شيء متدلي
5-ألعاب القطط التي تباع في الاسواق التجارية
6-الكور وخيوط الصوف "
دومينيك يحب هالأشياء بس أكثر شي يجذبه " الظل " يحب يصيد ظل أصابعنا ولا ظل ميدالية أو ظل أي شي من يشوف ظل على الأرض ركض له ومن يشوف ظل على الطوفة قام ونط على الطوفة .
مشكورة بعد عمري على الموضوع اللي فوق الروعة
.
.
.
|