|
رد: تجربتي الثانية في الأنتاج ... " موضوع متحدث - بالصور "
السلام عليكم ورحمة الله وبركاته
بيض الله وجهك اخوي هاوي الكوكتيل و اخوي dark.love
ماقصرتو والله وفعلا الجوز بدا يحس بالاستقرار مع اني مخلي القفص في الصاله لان فيه واحد نصحني وقالي لاتخلي الطيور فمكان هادي لانها تحب الحركه والاصوات وتمل اذا كانت وحيده ومن خلال اطلاعي على هالمنتدى الرائع قريت كثير انه ضروري يكونون في مكان هادي وبيني وبينكم توهقت ما عاد ابي احرك القفص ابد وبالرغم اني حاس انهم تأقلمو بس قبل شوي ( قبل اذان المغرب بشوي ) كانو نازلين ياكلون وعلى دخلتي خافو وفزو فزة تقولون ذيب مداهم قطيع غنم 
اي نصيحه انا جاهز للأخذ بها وما استغنى عنكم
بالنسبه لاشتراكي اخوي هاوي صدقني هالمنتدى جميل جدا وفيه من الفائده والمتعه الكثير يعني مستحيل سؤال واحد واوقف اشتراكي او اسحب عليه  واتشرف بانضمامي لهالصرح العظيم
وابشر بالصور اخوي dark.love ودعواتكم يامحبين الكوكاتيل مالنا غنى عنها 
وآسف ع الهذره الزايده 
|