|
رد: محتاجكم يا الخبيرين في عالم الجيرمن شيبرد
اقتباس:
المشاركة الأصلية كتبت بواسطة german shepherd male
سلمك ربي يالغالي , كل جواب اوفى من الثاني 
- - - - - - - - - - - - - - - - - - - - - - - - - - - - - - - - - - - - - - - - - - - - - -
قررت ادخله مركز تدريب عندنا في الرياض
حلوين بس نصيحتي لك لا تخليه مره كل يوم وحاول تكون دايم جنبه عشان يتعلق فيك
انا عن نفسي عندي كلب ما يسمع الا كلامي .. مثلا لو صديقي جنبي ويقول له اجلس ما يجلس !
ومجرد ما اقول له اجلس قبل لا تخلص الكلمه هو جالس .. السبب هو تعلق الكلب فيني
لكن بجرب معه هالكم يوم واشوف وضعي معه
والبيت او (القفص الخاص بالكلب ) ان شاء الله بيوصل اليوم 
الله يبشرك بالخير .. الله الله بنضافة البيت والتطهير والتبريد
زيادة استفسار بسيط  والله منحرج منك 
اذا بتنحرج بزعل منك ولا عاد برد عليك .. كلنا جينا هالمنتدى عشان نتبادل خبرات
ولو ما رديت انا بيرد غيري من الشباب
اخوي الآن الكلب يقضي حاجته وانت بكرامة في حديقة البيت على الزرع (العشب) كيف اعوده يسويها في بيته او قفصه .؟
لا يالغالي لا تخليه يقضي حاجته في بيته .. ترضى انت تقضي حاجتك في غرفتك ؟
مع فارق التشبيه والله يكرمك عن الكلب لكن الحيوانات تشعر مثل ما نشعر
هذا غير الجراثيم والحشرات والاوساخ اللي راح تتجمع وبتصير ريحته زي الزباله الله يعزك
وما راح تداني تقرب جنبه .. انا انصحك يا بعدي تختار له زاويه في الحديقه تحط فيها كم طابوقه
تسوي له شكل مربع يعني ويكون مساحته 75X75 cm او نصم متر في نص متر و حط له
تراب نضيف داخل المربع خل هذا المكان يكون شوي بعيد عن بيته وبعد الاكل بربع ساعه تقريبا
اخذه الى هذا المكان وخلك قريب منه .. لما يبدآ الكلب يشم الارض هذي اشاره الى انه ينوي
قضاء حاجته .. على طول تدخله داخل المربع وتخليه يقضي حاجته هناك .. طبعا اثناء قضاء
الحاجه انت تعطيه الامر اللي تبيه .. مثلا Get busy او خلص شغلك او بيبيييي
ولما يخلص انت تشجعه وتعطيه مكافئه و تطبطب عليه .. وتستمر على الموضوع هذا
لين يفهم الكلب مكان قضاء الحاجه وغالبا ما تتعدى هذي الفتره اسبوع .. بتتعب فيه شوي لكن
بعدين بترتاح طول العمر .. اذا كان الكلب ياكل 3 مرات باليوم خله يقضي حاجه 3 مرات وانت معه
بعد اسبوع راقبه هل عرف المكان ؟ .. خلال هذي الفتره ايضا يجب انك تجعل البراز حقه في المكان
يعني ما تنضف المكان عشان تساعده انه يتوجه لمكان قضاء الحاجه وتمييزه
باستخدام حاسة الشم .
وهل تنصح بنشارة الخشب او تراب كأرضية للبيت ؟
اعتقد انك كلما ابعدت عن الاشياء اللي تجمع الحشرات افضل .. يعني اعرف ناس يستخدمون
نشارة الخشب ولكنه كل اسبوع يحرقها ويستبدلها وهذا الشي متعب .
الصبه العاديه او البلاط المتوسط الخشونه يعتبر ممتاز وسهل التنضيف والتعقيم وايضاً مفيد للاضافر
لو عاش الكلب طول عمره على تراب تحتاج قص الاضافر .. اما لو كان على صبه غالبا تكون كفايه لبرد
الاضافر .
شاكر لك تواضعك يا بطل.!
|
العفو يا سيدي ما سوينا شي .. انا اشكر الوعي اللي فيك و شي جميل انك تسأل وتطور
معلوماتك والخطأ كل الخطأ الاجتهادات اللي ممكن تصيب وممكن تخطي .
تحياتي لك يا غالي ..
|