[almer]

المشاركة الأصلية كتبت بواسطة M-BuU-M

كح كح

سلام عليكم

شباب بغيت اعرف منو الاحسن بناحية الكلام والتوليف الكاسكو الرمادي ولا اليلو ناب
و

عندنا بالكويت طير اسمه بيبي متوه

فبغيت اعرف هل هو نفسه الدرة لانه رخيييييص؟؟!؟!؟!؟!؟!!؟

اليلوناب عيبه سعره مرتفع حيل وتخيل لو تشترى يلوناب ب 900 دينار ويموت فعلا خسارة مالها داعى(لكن الحق ينقال انه افضل طير متكلم )
والكاسكو رخيص اذا تمت مقارنته بسعر اليلوناب تلقى ب 200 دينار يتكلم ويرقص ويسوى لك جو بالبيت يخلى قعدة البيت مو ممله يعنى على قولة اللبنانيين (خليك بالبيت )
+ انه طير له شعبية

البيبى متوه هى نفسها الدره المطوقه ... بس اسمها الدارج بالكويت بيبى متوه
وهى نوعين المعروفه عندنا بالكويت الهندية والنيبالية
اذا حصلت نيبالية صغيره بالعمر عس وتربيها حلوووه ولها جو حلووو وتونس اما غير جذى اتركها وابتعد عنها لانها اطلع لك قرون وتخليك تتعرف على كل اطباء الجراحه بالديرة من كثر ما تعض ولا لها صاحب
الا بحاله اذا تشتريها فرخ صغير تأكله سيرلاك بالابره تصير ربوة ... وفيها عيب شرعى اذا صار عندها فرصة للهرب غمض فتح ماتلقاها . والنوع الثانى الهندية وحجمها اصغر شخصيا اعتبرها ضياع للمال وللوقت وللجهد وللصحه وشراءها خسارة بكل ما تعنيه الكلمة من معنى لكن يبقى هناك طفرات وتلقى منها شى مميز لكن نادر جدا جدا جدا يميزها جمال الشكل ومقاومتها للأمراض وتاكل اى شى وكل شى حتى تقدر تقول عندها جبد حاشى . اذا فلوسك واجد اخذ يلوناب واذا تبى شى رخيص وكويس اخذ كاسكو اما البيبى متوه على قولة المصريين
(اللى معاه ئرش ومحيره يشترى حمام ويطييره)